გივი დარჩია

დაბადების ადგილი: ქ. ოზურგეთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1949 წელს.

1949-1950წწ. მუშაობდა თბილისის საჰაერო თავდაცვის შტაბში ინჟინერ-მშენებლად; 1995 წლიდან საპროექტო ინსტიტუტ "თბილქალაქპროექტში" ინჟინერ-დამპროექტებლად; 1952-1956წწ. მუშაობდა მოსკოვის სამრეწველო ნაგებობების ცენტრალურ სამეცნიერო კვლევით ინსტიტუტში უმცროს მეცნიერ-თანამშრომლად;1956 წლიდან მუშაობდა საქართველოს მეცნიერებათა აკადემიის სამშენებლო მექანიკისა და სეისმომედეგობის ს/კ ინსტიტუტში უმცროს მეცნიერ-თანამშრომლად; 1958 წლიდან - უფროს მეცნიერ-მუშაკის თანამდებობაზე; 1958 წლიდან მუშაობდა საქართველოს პოლიტექნიკური ინსტიტუტის წყალმომარაგების კათედრაზე დოცენტის თანამდებობაზე; 1962 წელს კონკურსის წესით აირჩიეს მისი თაოსნობით შექმნილ თბოაირმომარაგებისა და ვენტილაციის კათედრის გამგის მოადგილედ, შემდგომ ამავე კათედრის გამგედ; 1976 წელს არჩეულ იქნა პროფესორად; არის 50-ზე მეტი სამეცნიერო ნაშრომისა და გამოგონების ავტორი; მათ შორის, პირველი სასწავლო სახელმძღვანელო "გათბობა და ვენტილაციის" ორტომეული; აღზრდილი ჰყავს მრავალი მაღალკვალიფიციური სპეციალისტი და მეცნიერი. ტექნიკურ მეცნიერებათა კანდიდატი (1956). 

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.191; საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 101

• მეთოდური მითითებები საკურსო პროექტის შესადგენად გათბობის კურსში თბოაირმომარაგების და ვენტილაციის სპეციალობის სტუდენტებისათვის (თანაავტორი). - თბილისი, საქ. პოლიტექნ. ინ-ტის გამ-ბა და სტ., 1988. - 48გვ.
• გათბობა და ვენტილაცია : სახელმძღვ. თბოაირმომარაგებისა და ვენტილაციის სპეც. სტუდენტებისათვის (ავტორი) // ნაწ. 1. - თბილისი, განათლება, 1988. - 546გვ.
• თბოაირმომარაგება და ვენტილაცია : სახელმძღვ. პოლიტექნ. ინ-ტის სამრეწველო და სამოქალაქო მშენებლობის სპეციალობის სტუდენტებისათვის (თანაავტორი). - თბილისი, განათლება, 1977. - 423გვ.
• გათბობა და ვენტილაცია : სახელმძღვ. პოლიტექნ. ინ-ტის თბოაირმომარაგებისა და ვენტილაციის სპეციალობის სტუდენტებისათვის (ავტორი) // ნაწ. 2. - თბილისი, განათლება, 1970. - 373გვ.