ახმედ ნოღაიდელი

1927 წლიდან დაიწყო საგუნდო დირიჟორობა. პირველად თავის სოფელ ჭახათში ჩამოაყალიბა მომღერალთა გუნდი; კონცერტები იმართებოდა როგორც სოფლად, ისე ქობულეთშიც. მწვანე კონცხზე აჭარის სუბტროპიკული ტექნიკუმის მოსწავლეებს სიმღერები შეასწავლა. ცდილობდა სოფლებში ემუშავა: თავდადებით იღვაწა კობალაურში, ტყეკამარავში, ვარჯანაულში, ქაქუთში, კვირიკეში და სხვა მრავალ სოფელში. მისი მრავალფეროვანი სასიმღერო რეპერტუარიდან საინტერესოა: "სიმღერა გმირ ჯინჭარაძეზე", "მხარი მხარს მივცეთ, ბიჭებო", "საკოლმეურნეო", "მას შემდეგ, რაც გაგიცანი", "სიმღერა ლენინზე" და სხვა. მრავალი ძველი ხალხური სიმღერა კომპოზიტორებმა გრიგოლ კოკელაძემ, ალექსანდრე ფარცხალაძემ, მიხეილ ჩირინაშვილმა ნოტებზე მისგან გადაიღეს. ბ. კაკულაძე, უ. ვერულიძე, მ. ლომთათიძე, ალ. ანანიძე და სხვები მადლობით იხსენებდნენ კეთილ მასწავლებელს. ხანდაზმულობის მიუხედავად, იგი კვლავ ჩვეული ენერგიით განაგრძობდა მუშაობას. 

წყარო: ხალხური სიმღერის მოამაგენი.-თბ., 2007.-გვ.166

• 1968 - საქართველოს კულტურის დამსახურებული მოღვაწე
• 1958 - აჭარის კულტურის დამსახურებული მოღვაწე
• 1957 - აჭარის უმაღლესი საბჭოს საპატიო სიგელი