მედეა წოწელია

დაბადების ადგილი: ქ. თბილისი.

დაამთავრა თბილისის ილია ჭავჭავაძის სახელობის უცხო ენათა პედაგოგიური ინსტიტუტი ინგლისური ენის სპეციალობით 1971 წელს; თბილისის სამხატვრო აკადემია ხელოვნებათმცოდნეობის სპეციალობით 1972 წელს. 

1972-1975 წლებში იყო საქართველოს მეცნიერებათა აკადემიის, ივ. ჯავახიშვილის სახ. ისტორიის ინსტიტუტის ასპირანტი, სტაჟირება გაიარა სანკტ-პეტერბურგის  ერმიტაჟის აღმოსავლეთის ხალხთა ხლოვნების განყოფილებაში. 1976 წლიდან არის აკად. ს. ჯანაშიას სახ. საქართველოს სახელმწიფო მუზეუმის ნუმიზმატიკის განყოფილების თანამშრომელი. მ. წოწოლიას კვლევის საგანს წარმოადგენს საქართველოს და სასანიანთა ირანს შორის არსებული ურთიერთობა, საქართველოს ტერიტორიაზე აღმოჩენილი სასანური წარმოშობის ნუმიზმატიკური, ტორევტიკული და გლიპტიკური მასალის შესწავლა. მას გამოქვეყნებული აქვს 37 სტატია და რამდენიმე მონოგრაფია. ის არის ჟურნალ "საქართველოს ეროვნული მუზეუმის" პასუხისმგებელი მდივანი. ისტორიის მეცნიერებათა დოქტორი, ნუმიზმატი.

სადისერტაციო თემა - "აღმოსავლეთ საქართველო III-IV სს. და მისი ურთიერთობა სასანიანთა ირანთან (მატერიალური კულტურის ძეგლების მიხედვით), დაიცვა 1975 წელს.

წყარო: ქართული ნუმიზმატიკური ლექსიკონი.- თბ., 2009.- გვ.178-179

• ფული საქართველოში = Money in Georgia (თანაავტორი). - თბილისი, საქ. ეროვნ. ბანკი, 2000. - 280გვ.