ზურაბ დოღონაძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის ქუთაისის ფილიალის საღამოს სწავლების სატრანსპორტო ფაკულტეტი ხიდებისა და გვირაბების მშენებლობის სპეციალობით 1969 წელს.

1962-1964წწ. სწავლის პარალელურად მუშაობდა ჯანმრთელობის დაცვის სამინისტროს სარემონტო-სამშენებლო სამმართველოში; 1964-1966წწ. წყალტუბოს საკოლმეურნეობათაშორისო სამშენებლო ორგანიზაციაში; 1966-1970წწ. საქართველოს მშენებლობის სამინისტროს N4 სამშენებლო ტრესტის N3 სამშენებლო სამმართველოში ბრიგადირად, მშენებელ ოსტატად; 1970 წლიდან გადავიდა საქართველოს საავტომობილო გზების სამინისტროს სისტემაში, ტყიბულის N22 საგზაო-საექსპლუატაციო უბანზე ჯერ მშენებელ ოსტატად, უბნის ინჟინრად, შემდგომ ქუთაისის N12 საგზაო-სამშენებლო სამმართველოში უფროს ინჟინრად; 1977 წლიდან ამავე სამმართველოს საგეგმო-საწარმოო განყოფილების უფროსი და მთავარი ინჟინერი იყო.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.206

• მეგზევეთა კავშირი, წევრი

• საქართველოს დამსახურებული მეგზევე