დიმიტრი ჯავახიშვილი

დაბადების ადგილი: სოფელი ძევერა, გორის რაიონი.

დაამთავრა მოსკოვის უნივერსიტეტის სამედიცინო ფაკულტეტი 1909 წელს.

1926-1928წწ. მუშაობდა თბილისის სახელმწიფო უნივერსიტეტის სამკურნალო ფაკულტეტის ფტიზიატრიისა და კურორტოლოგიის ასისტენტად; 1928-1938წწ. თბილისის კურორტოლოგიისა და ფიზიოთერაპიის სამეცნიერო-კვლევითი ინსტიტუტის ფიზიოთერაპიის განყოფილებისა და სტაციონარის გამგედ; 1938-1967წწ. ინსტიტუტის დირექტორის მოადგილედ სამეცნიერო დარგში; პარალელურად, 1934-1938წწ. განაგებდა კურორტოლოგიისა და ფიზიოთერაპიის კათედრას თბილისის სამედიცინო ინსტიტუტის პედიატრიის ფაკულტეტს; 1938-1959წწ. ამავე კათედრას თბილისის ექიმთა დახელოვნების ინსტიტუტში. ერთ-ერთმა პირველმა შეადგინა სახელმძღვანელო "კურორტოლოგია" (1945). გამოქვეყნებული აქვს წიგნები და ბროშურები. იგი შეისწავლიდა საქართველოს მინერალური წყლებისა და სამკურნალო ტალახის (განსაკუთრებით ახტალის) თერაპიული მოქმედების საკითხებს. კურორტოლოგი, საქართველოში საკურორტო საქმის ერთ-ერთი ფუძემდებელი, პროფესორი (1953). საზოგადო და პოლიტიკური მოღვაწის გივი ჯავახიშვილის მამა.

წყარო: ქართული საბჭოთა ენციკლოპედია: ტ. 11.-თბ., 1987.-გვ.526; საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.588; დიმიტრი ჯავახიშვილი : ნეკროლოგი // კომუნისტი. - თბილისი, 1971. - 3 დეკემბერი.-N280 (015190)

• თბილისის კურორტოლოგთა და ფიზიოთერაპევტთა სამეცნიერო საზოგადოება, თავმჯდომარე
• საქართველოს თერაპევტთა სსამეცნიერო საზოგადოება, პრეზიდიუმის წევრი
• საქართველოს კურორტოლოგთა და ფიზიოთერაპევთა საზოგადოება, პრეზიდიუმის წევრი
• საქართველოს სამედიცინო-ბიოლოგიური საზოგადოება, ერთ-ერთი დამაარსებელი
• სსრ კავშირის კურორტოლოგთა და ფიზიოთერაპევთა საზოგადოება, საპატიო წევრი

• საპატიო ნიშნის ორდენი
• შრომის წითელი დროშის ორდენი