ალექსანდრე ანპილოგოვი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ქიმიური ტექნოლოგიის ფაკულტეტი 1985 წელს.

თამაშობდა თბილისის "ბურევესტნიკში" (1970-1985) და გერმანიის "ლანდსჰუტში" (1987-1992), სადაც ჯერ მოთამაშის, შემდეგ კი მოთამაშე მწვრთნელის ფუნქციას ასრულებდა. იყო სსრკ ნაკრების გუნდის წევრი(1975-1987) და საბერძნეთის ქალთა ნაკრების მწვრთნელი (2000-2001). არის სპორტის ოსტატი (1973, ხელბურთი), სსრკ ხალხთა VI სპარტაკიადის მესამე პრიზიორი (1975), ოლიმპიური თამაშების ჩემპიონი (1976, კანადა), სსრკ თასის მფლობელი (1978), სუპერთასის მფლობელი (1979, დანია), მსოფლიო თასის მფლობელი (1979, დანია), ოლიმპიური თამაშების ვერცხლის პრიზიორი (1980, მოსკოვი), მსოფლიოს ჩემპიონი (1981, გერმანია), მსოფლიო თასის მფლობელი (1982, გერმანია), სუპერთასის მფლობელი (1983, დანია); 2017 წელს მიენიჭა საქართველოს სპორტისა და ახალგაზრდობის საქმეთა სამინისტროს მიერ დაწესებული უმაღლესი ჯილდო - "სპორტის რაინდის" წოდება. ხელბურთელი.

წყარო: საქართველო: ენციკლოპედია: ტ.I.–თბ., 1997.–გვ.162; საქართველოს ეროვნული ოლიმპიური კომიტეტის პორტალი : geonoc.org.ge

• 2003 - ვახტანგ გორგასლის II ხარისხის ორდენი
• 1976 - საერთაშორისო კლასის სპორტის ოსტატი
• 1976 - სპორტის დამსახურებული ოსტატი
• ღირსების ორდენი