აპოლონ ჩავლეიშვილი

დაბადების ადგილი: სოფელი ბოხვაური, ოზურგეთის რაიონი.

1929 წლიდან გუნდის ხელმძღვანელად მუშაობას შეუდგა წითელ არმიაში. მან მომღერალთა მრავალ კოლექტივს გაუწია ხელმძღვანელობა; ასეთებია: მახარაძის რკინიგზის სადგურის, სოფ. დვაბუზს, ნაგომრის, ბოხვაურის, მერიისა და სხვა საკოლმეურნეო გუნდები. ჩვიდმეტ წელზე მეტ ხანს შეუცვლელად განაგრძობდა სოფ. ნაღობილევისა და თხინვალის საკოლმეურნეო გუნდების ხელმძღვანელობას; შეისწავლა და დაამუშავა სამოცზე მეტი გურული სიმღერა, აგრეთვე საჩონგურო და კომპოზიტორების მიერ შექმნილი სიმღერები. იგი თვითმოქმედი კომპოზიტორიც იყო; ხალხურ ჰანგებზე დაყრდნობით შექმნა და ოლიმპიადაზე შეასრულა: სიმღერები ლენინზე (ჩონგურით), "საკოლმეურნეო" ("დგას ნანატრი გაზაფხული"), რვა მარტზე ("დიდება მშრომელ ქალებს"), მახარაძეზე, გამოფენაზე და სხვა. ხანდაზმული ლოტბარი ახალგაზრდული გატაცებით ემსახურებოდა საყვარელ საქმეს. ხალხური სიმღერების შემსრულებელი, ლოტბარი.

წყარო: ხალხური სიმღერის მოამაგენი.-თბ., 2007.-გვ.207; blog.geguchadze.com