პეტრე არველაძე

დაბადების ადგილი: სოფელი ჭაგანი, სამტრედიის რაიონი.

1905-1907წწ. ეწეოდა პარტიულ მუშაობას თბილისში; 1909 წელს აირჩიეს რსდმპ (ბ) თბილისის კომიტეტის წევრად; 1910 წელს დააპატიმრეს და გადაასახლეს ქ. ხარკოვში; I მსოფლიო ომის დროს არველაძე ეწეოდა პარტიულ მუშაობას სამხრეთ-დასავლეთ და თურქეთის ფრონტებზე; თვითმპყრობელობის დამხობის შემდეგ ხელმძღვანელობდა ქ. ალექსანდროპოლის (ახლანდელი გიუმრი) ბოლშევიკური ორგანიზაციის მუშაობას; 1917 წელს მონაწილეობდა ქ. თბილისში კავკასიის ბოლშევიკური ორგანიზაციების I და კავკასიის არმიის II ყრილობების მუშაობაში; იყო ალექსანდროპოლის საბჭოს ჯარისკაცთა სექციის თავმჯდომარე; 1918 დამდეგს გაგზავნეს ბაქოში, სადაც იბრძოდა საბჭოთა ხელისუფლების გამარჯვებისათვის, იყო ბაქოს სახკომსაბჭოს მდივანი; 1918-1919წწ. მონაწილეობდა თეთრგვარდიელ კაზაკთა წინააღმდეგ ქ. ასტრახანის დაცვაში; იყო მე-11 არმიის ერთ-ერთი პოლკის კომისარი. დაიღუპა საბრძოლო პოსტზე. რევოლუციური მოძრაობის მოღვაწე ამიერკავკასიაში. 

წყარო: ქართული საბჭოთა ენციკლოპედია, ტ. 1. - თბ., 1975. -გვ. 562