ტრიფონ ხუხუა

დაბადების ადგილი: სოფელი კიწია, მარტვილის რაიონი.

1925 წელს სოფ კიწიას საშუალო სკოლის გუნდში მღეროდა. 1930 წელს სწავლა განაგრძო სენაკის პედაგოგიურ სასაწავლებელში, იქვე ჩამოაყალიბა გუნდი. სასწავლებლის დამთავრების შემდეგ მშობლიურ სოფელს დაუბრუნდა და სკოლაში ჩამოაყალიბა ორი გუნდი. ორივე გუნდმა სერიოზულ წარმატებას მიაღწია რაიონულ ოლიმპიადებსა თუ დათვალიერებებზე. იგი არა ერთხელ იქნა რეპრესირებული, ორჯერ მალევე იქნა შესაძლებელი მისი დახსნა მაგრამ, 1952 წელს "მეგრელიზაციის" კამპანიის ჟამს კვლავ დააპატიმრეს, 10 წელი მიუსაჯეს და გადაასახლეს კრივოი როგის რკინის მაღაროებში სამუშაოდ. მან იქაც შექმნა ქართული ხალხური სიმღერის ანსამბლი, 1953 წელს გაათავისუფლეს. მიუხედავად მძიმე სულიერი სტრესისა მან მოიკრიბა ძალა და კვლავ შეუდგა თავის საყვარელ საქმეს და სამეგრელოს სხვადასხვა სოფლებში ჩამოაყალიბა გუნდები. მის ოჯახში ყველა მღეროდა, მათ შესანიშნავი საოჯახო ანსამბლი ჰქონდათ. მისი მოღვაწეობის მთავარი ნიშან-თვისება იყო ძველი სიმღერების აღდგენა პირვანდელი სახით, მათი შესრულება ყოველგვარი გადამუშავებისა და ზედმეტი შელამაზების გარეშე. შექმნილი აქვს რამოდენიმე სიმღერა საკუთარ ტექსტზე: "მარულა",  "სი ვარდისუ ვაჯუგუდე",  "მუხაშგვარი", "ზარმაცი ბექია",  "მარებელი",  "ბურდღუ დო კესარია" და ბევრი სხვა. ლოტბარი.

წყარო: ხალხური სიმღერის მოამაგენი : ცნობარი / ლადო გეგეჭკორი.-თბ., 2007.-გვ.239; სამშობლოს უსახელო ბიჭები: es-la.facebook.com