ნელი გოფმანი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ქიმიური ტექნოლოგიის ფაკულტეტი 1940 წელს.

1941-1944წწ. გოფმანების ოჯახი გაასახლეს ჯერ ყაზახეთში, ხოლო შემდეგ- ბოლნისის რაიონში. საქართველოში დაბრუნებულმა ნ. გოფმანმა 1945 წელს საქართველოს მეცნიერებათა აკადემიის ლითონისა და სამთო ქიმიის ინსტიტუტის სილიკატების ლაბორატორიაში უმცროს მეცნიერ-თანამშრომლად დაიწყო მუშაობა. 1946-1998წწ. ის საქართველოს პოლიტექნუკური  ინსტიტუტის ელექტროქიმიის კათედრაზე მოღვაწეობდა და თავის ნიჭსა და უნარს არ იშურებდა ქვეყნისათვის საჭირო პროფესიული  და სამეცნიერო საკითხების გადაჭრაში. მისი სამეცნიერო მიმართულება ელექტროქიმიური ტექნოლოგია იყო და ამ სფეროში გამოქვეყნებული აქვს 80-მდე ნაშრომი, სახელმძღვანელო. მისი კვლევის შედეგები დანერგილია მაგნიუმის ჰიდტოელექტრომეტალურგიულ წარმოებაში. წლების განმავლობაში ხელმძღვანელობდა ქალაქის საწარმოთა გალვანოტექნიკოს-ინჟინრების სემინარებს, კითხულობდა ლექციებს სხვადასხვა ქარხნის თანამშრომლებისათვის. ტექნიკის მეცნიერებათა კანდიდატი. დოცენტი (1959-1979), პროფესორი (1979-1987).

წყარო:საქართველოს ინჟინერი ქალები.- თბილისი.-2008.- გვ.41-42

• 1977 - პეტრე მელიქიშვილის სახელობის პრემია
  სამუშაოთა ციკლის "მაგნიუმისა და მაგნიუმიანი დამჟანგველების მიღებისთვის"

• გამოყენებითი ელექტროქიმია : დენის ქიმიური წყაროების, ლითონთა კოროზიისა და გალვანოტექნიკის ლაბორატორიული პრაქტიკუმი (ავტორი). - თბილისი, განათლება, 1973. - 356გვ.