მიხეილ თავდგირიძე

დაბადების ადგილი: დაბა ჩოხატაური.

დაამთავრა ამიერკავკასიის ინდუსტრიული ინსტიტუტის საინჟინრო ელექტრო-ტექნიკის ფაკულტეტი 1934 წელს.

1932-1948წწ. შრომითი საქმიანობა დაიწყო სამშენებლო-სამონტაჟო ტრესტ "საქსოფლელექტრომონტაჟში" სამუშაოთა მწარმოებლად, სოფლის ელექტროფიკაციის სარაიონთაშორისო კანტორების უფროსად; 1948 წლიდან ამავე ტრესტის საწარმოო-ტექნიკური განყოფილების უფროსად გადაიყვანეს; 1953 წელს მუშაობდა ტრესტის მმართველის მოადგილედ; 1954 წლიდან ტრესტის მმართველია, შემდგომ მუშაობდა ამავე ტრესტში მთავარ ტექნოლოგად; იყო გაერთიანება "საქსოფლტექნიკისა" და "საქმთავარენერგოს" კოლეგიის წევრი; ხელმძრვანელობდა საბჭოთა მეურნეობის ელექტრიფიცირების სამუშაოებს, რისთვისაც 240-მდე მცირე და საშუალო სიმძლავრის სასოფლო ჰიდროსადგური ააშენა; მისი თაოსნობით ელექტროხაზების გამძლეობის გაძლიერების მიზნით ხის ბოძების რკინაბეტონის საძირეებისა და ანძების დამზადება იქნა ათვისებული; ელსადგურებისა და ქვესადგურების მშენებლობისათვის რკინის კონსტრუქციებისა და ელექტროგამანაწილებელი ფარების დამზადება დაინერგა; სამუშაოთა გაიაფების მიზნით, არაერთი რაციონალიზატორული წინადადება აქვს შემუშავებული და დანერგილი; მიღებული აქვს სხვადასხვა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.239-240; საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.141

• საპატიო ნიშნის ორდენი
• საქართველოს დამსახურებული ინჟინერი