გინა გურეშიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1986 წელს და საქართველოს ტექნიკური უნივერსიტეტის ასპირანტურა.

1990 წლიდან მუშაობს საქართველოს ტექნიკურ უნივერსიტეტში. 1990-1994წწ. მუშაობდა რკინა-ბეტონის კონსტრუქციების კათედრაზე უფროს მეცნიერ-თანამშრომლად. 1997 წელს იყო პრეზიდენტის სტიპენდიანტი. 2006 წელს კონკურსის შედეგად არჩეულ იქნა სტუ-ის წარმომადგენლობითი საბჭოს წევრად. 2007 წლიდან გინა გურეშიძე საქართველოს საინჟინრო აკადემიის მრჩეველია და აქტიურად მონაწილეობს საერთაშორისო კონფერენციებსა და სიმპოზიუმებში. გამოქვეყნებული აქვს 2 მეთოდური მითითება, სახელმძღვანელო და 40 სამეცნიერო სტატია. ტექნიკის მეცნიერებათა კანდიდატი (1990), დოცენტი (1994), საქართველოს ტექნიკური უნივერსიტეტის ასოცირებული პროფესორი (2006-2013); 2013 წლიდან დღემდე საქართველოს ტექნიკური უნივერსიტეტის სრული პროფესორი. ტექნიკის დოქტორი.

 საკანდიდატო დისერტაციის თემა - "მსუბუქი ბეტონის საკედლე პანელების ბზარმედეგობის გაზრდა რღვევის მექანიკის პოზიციიდან".

წყარო: საქართველოს ინჟინერი ქალები.- თბილისი.-2008.- გვ.48-49; საქართველოს ტექნიკური უნივერსიტეტის სამშენებლო ფაკულტეტი: construction.gtu.ge

• მერქნის სიმტკიცის მახასიათებლების დადგენა : ხისა და პლასტმასის სამშენებლო კონსტრუქციები : მეთოდ. მითითებები ლაბორატორიული სამუშაოების შესასრულებლად (ავტორი). - თბილისი, ტექნ. უნ-ტი, 2013. - 36გვ.. - ISBN: 978-9941-20-306-0
• ხე-ლითონის უირიბნო სამკუთხა წამწის გაანგარიშება და კონსტრუირება (ავტორი). - თბილისი, ტექნ. უნ-ტი, 2013. - 72გვ.. - ISBN: 978-9941-20-307-7
• რკინაბეტონის კონსტრუქციები (ავტორი). - თბილისი, ტექნ. უნ-ტი, 2012. - 93გვ.. - ISBN: 978-9941-20-025-0
• რკინაბეტონის კონსტრუქციები (ავტორი) // ნაწ. 1. - თბილისი, ტექნ. უნ-ტი, 2011. - 92გვ.. - ISBN: 978-9941-14-963-4
• მშენებლობა და გარემო (ავტორი) // ნაწ. 1. - თბილისი, ტექნ. უნ-ტი, 2006. - 95გვ.. - ISBN: 99940-48-89-9