ჯუმბერ თათარიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ინჟინერ-ტექნოლოგის კვალიფიკაციით 1962 წელს.

1972-1973წწ. მუშაობას იწყებს რუსთავის ქიმიური ბოჭკოს ქარხანაში, საამქროს უფროსად; 1973-1975წწ. საქართველოს საშენ მასალათა მრეწველობის სამინისტროს გარდაბნის მუყაო-რუბეროიდის ქარხნის დირექტორის მოადგილედ და მთავარ ინჟინრად; 1975-1978წწ. საწარმოო გაერთიანება "საყოფაცხოვრებო ქიმიის" გენერალურ დირექტორად; 1978-1981წწ. მეტეხის საშენ მასალათა კომბინატის დირექტორის მოადგილედ; 1981-1983წწ. ხელმძღვანელობდა საშენ მასალათა მრეწველობის სამინისტროს "საქმონტაჟცემრემონტის" სამონტაჟო სამმართველოს; 1983-1984წწ. მეტეხის საშენ მასალათა კომბინატს; 1984-1998წწ. რუსთავის ცემენტის ქარხანას; მუშაობს საქართველოს მრეწველობის სამინისტროში განყოფილების გამგედ; იყო არაერთი სახელმწიფო ჯილდოსა და პრემიის მფლობელი; არაერთგზის იყო არჩეული რუსთავის საქალაქო საბჭოს დეპუტატად და აღმასკომის წევრად.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.240

• საქართველოს დამსახურებული ინჟინერი