ჯიმშელი ჯიმშელეიშვილი

დაბადების ადგილი: სოფელი ცხუნკური, წყალტუბოს რაიონი.

დაამთავრა საქართველოს პოლიტექნიკური ინსტიტუტი 1929 წელს.

1930 წლიდან იყო საკავშირო საპროექტო-საძიებო ინსტიტუტ "ჰიდროენერგოპროექტის" თბილისის განყოფილებაში ინჟინერი, ჯგუფის უფროსი; ეწეოდა პედაგოგიურ მოღვაწეობას საქართველოს პოლიტექნიკურ ინსტიტუტში; 1934 წლიდან არის ხრამჰეს-1-ის საპროექტო ბიუროს ძალოვანი კვანძის მთავარი ინჟინრის მოადგილე, ბიუროს უფროსი; 1934-1939წწ. მისი ხელმძღვანელობით დაპროექტებულია დაშტაკულარის, სადახლოს, თრიალეთის, ცაგერის, სოლორის, კეხვის, რიწეულისა და ცხინვალის ჰესები. 1938-1955წწ. ხელმძღვანელობდა საქართველოს პოლიტექნიკური ინსტიტუტის ჰიდროტექნიკურ ნაგებობათა კათედრას; 1936-1942წწ. - სამშენებლო ფაკულტეტის დეკანის მოადგილე; 1943-1967წწ. - თბილისის ნაგებობათა და ჰიდროენერგეტიკის სამეცნიერო-კვლევითი ინსტიტუტის დირექტორი; 1956 წლიდან საქართველოს პოლიტექნიკურ ინსტიტუტში კითხულობდა ლექციების კურსს "ჰიდროტექნიკური მშენებლობის" სპეციალობაში; მისი სამეცნიერო მოღვაწეობა მიმდინარეობდა ღია კალაპოტების ჰიდროტექნიკისა და ჰიდროტექნიკურ ნაგებობების ახალი რაციონალური კონსტრუქციების შექმნის მიმართულებით; ავტორია 45 გამოქვეყნებული ნაშრომის. მიღებული აქვს სახელმწიფო ჯილდოები. ტექნიკურ მეცნიერებათა კანდიდატი (1939), ტექნიკურ მეცნიერებათა დოქტორი (1952), პროფესორი (1954).

წყარო: ქართული საბჭოთა ენციკლოპედია: ტ. 11.-თბ., 1987.-გვ.565; საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.454-455

• სკკპ , წევრი (1943-)

• 1960 - საქართველოს მეცნიერებათა დამსახურებული მოღვაწე
• საქართველოს დამსახურებული გამომგონებელი
• შრომის წითელი დროშის ორდენი
• საპატიო ნიშნის ორდენი

• თაღური კაშხალები საქართველოში (თანაავტორი). - თბილისი, საბჭ. საქართველო, 1963. - 31გვ.