ირინა ზედგენიძე

დაბადების ადგილი: ქ. ახალციხე.

დაამთავრა საქართველოს პოლიტიკნიკური ინსტიტუტის  ქიმიური ტექნოლოგიების ფაკულტეტი 1982 წელს და ამავე ინსტიტუტის ასპირანტურა 1985 წელს. 

1985 წელს  საქართველოს ტექნიკური უნივერსიტეტის ფიზიკური  ქიმიის კათედრაზე დაიწყო მუშაობა. ი. ზედგენიძე ნაყოფიერ სამეცნიერო და პედაგოგიურ მუშაობას ეწეოდა, კითხულობდა  ფიზიკური ქიმიის კურსს ფიზიკის ფაკულტეტზე. ის 32 სამეცნიერო შრომის და ანტიკოროზიული საფარების დარგში 5 საავტორო გამოგონების ავტორია. 1998 წლიდან ტექნიკური უნივერსიტეტის პარალელურად ი. ზედგენიძე სკოლა-კომპლექს "ბალავარშიც"  ეწეოდა პედაგოგიურ მოღვაწეობას, იყო სკოლის სამეცნიერო-პრაქტიკული ლაბორატორიის ხელმძღვანელი და გაზეთ "ქიმიის" რედაქტორი. 2002 წელს საქართველოს დავით აღმაშენებლის სახელობის უნივერსიტეტის სამედიცინო ფაკულტეტის დეკანის მოადგილედ და ამავე უნივერსიტეტთან არსებული მრავალპროფილიანი კოლეჯის დირექტორად დაინიშნა, 2005 წლიდან კი მის მიერვე დაფუძნებული წმინდა დიმიტრი ყიფიანის სახ. მრავალპროფილიანი სკოლა-კოლეჯის დირექტორია. იყო დიმიტრი ერისთავის სახელობის სტიპენდიანტი (1980), ლენინური სტიპენდიანტი (1981), დ. მენდელეევის სახ. ქიმიური საზოგადოების პრემიის ლაურეატი (1987). ტექნიკურ მეცნიერებათა კანდიდატი (1990), დოცენტი(1991).

წყარო:საქართველოს ინჟინერი ქალები.- თბილისი.-2008.- გვ.65-66