ირაკლი თოფაძე

დაბადების ადგილი: დაბა ყაზბეგი.

დაამთავრა თბილისის სახელმწიფო უნივერსიტეტის პოლიტექნიკური ფაკულტეტი იმჟინერ-მშენებლის კვალიფიკაციით 1932 წელს.

1928 წლიდან მუშაობდა საქართველოს განათლების სამინისტროს ტექნიკურ განყოფილებაში ტექნიკოსად; 1928-1930წწ. ხევსურეთის სოფლებში - ბარისახოში, ხახმატსა და შატილში - სკოლებისა და საავადმყოფოს (ბარისახოში) მშენებლობაზე; 1930-1932წწ. სამშენებლო ტრესტ "ახალმშენში" სამუშაოთა მწარმოებლად; 1932-1933წწ. გაერთიანება "საქჩაის" სამშენებლო ტრესტებში ინჟინერ-ინსპექტორად; 1933-1934წწ. მინერალური წყლის "ყაზბეგის" ჩამოსასხმელი ქარხნის მშენებლობაზე სამუშაოთა მწარმოებლად; 1935-1937წწ. მუშაობდა თბილისში ავჭალის ფოლად-თუჯის სხმულების ქარხანა "ცენტროლიტის" მშენებლობაზე მთავარ ინჟინრად; 1938-1941წწ. ტურისტულ სამმართველოში - მთავარ ინჟინრად; საქართველოს შინაგან საქმეთა სამინისტროში - თავდაცვის ობიექტების სამშენებლო უბნის უფროსად; 1945-1946წწ. იყო სამშენებლო ტრესტ "საქშახტმშენის" საწარმოო განყოფილების უფროსი; 1945-1950წწ. "ჩითახევჰესის" მშენებლობის მთავარი ინჟინრის მოადგილე და საწარმოო განყოფილების უფროსი; 1950-1954წწ. ტყიბულის მაღაროთა სამმართველოს გამამდიდრებელი ფაბრიკის მშენებლობის მთავარი ინჟინერი და მშენებლობის უფროსი; 1954-1955წწ. "შაორჰესის" მშენებლობის მთავარი ინჟინერი; 1955-1957წწ. "საქმთავარენერგოს" უფროსის მოადგილე; 1957-1960წწ. საბჭოთა კავშირის ქვანახშირის მრეწველობის, ტრესტ საქნავთობისა და სამთამადნო ობიექტების სამშენებლო სამმართველოს უფროსი; 1960-1963წწ. საქართველოს მშენებლობის სამინისტროს N3 სამშენებლო ტრესტ "თბილმრეწვმშენის" მთავარი ინჟინერი; 1963-1972წწ. ხელმძღვანელობდა საქართველოს სსრ კომუნალური მეურნეობის სამინისტროს სამშენებლო ტრესტ "საქკომუნრემმშეს", იყო სამინისტროს კოლეგიის წევრი; 1972-1974წწ. მუშაობდა იმავე სამინისტროს საპროექტო ინსტიტუტის დირექტორის მოადგილედ; 1974-1976წწ. კომუნალური მეურნეობებისა და ქალაქების კეთილმოწყობის სამმართლოს უფროსად; 1977 წლიდან სსრ კავშირის ტექნოლოგიურ ინსტიტუტ "ორგწყალმშენის" თბილისის განყოფილებაში მთავარ სპეციალისტად.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.248

• საპატიო ნიშნის მედალი
• საპატიო ნიშნის ორდენი
• საქართველოს დამსახურებული ინჟინერი