რომეო თუთაშვილი

დაბადების ადგილი: ქ. თბილისი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1943 წელს.

1957 წლიდან დაიწყო შრომითი საქმოანობა; სხვადასხვა დროს ხელმძღვანელობდა: "თბილმშენინდუსტრიის" ასფალტ-ბეტონის ქარხანას, საქართველოს მშენებლობის სამინისტროს საწარმოო ტრესტ "საქმშენინდუსტრიის" რკინაბეტონის კომბინატს, იმავე სამინისტროს სამშენებლო გაერთიანება "მთავართბილმშენის" N9 სამშენებლო სამმართველოს; იყო საქართველოს მშენებლობის სამინისტროს N14 სამშენებლო ტრესტის მმართველის მოადგილე, N3 სახლმშენებელი კომბინატის კარკასულ-პანელოვანი ქარხნის დირექტორი; 1994 წლიდან იყო სს კარკასულ-პანელოვანი ქარხანა "მაღელივმშენის" გენერალური დირექტორი; უშუალოდ მონაწილეობდა (16 და 18-სართულიანი) საცხოვრებელი და საზოგადოებრივი დანიშნულების სეისმომედეგი, უნიფიცირებული ანაკრები რკინაბეტონის კარკასული ნაკეთობების (სერია-იის-04) ათვისებისა და დანერგვის საქმეში, რისთვისაც სსრ კავშირის მინისტრთა საბჭოს პრემიის ლაურეატობა მიენიჭა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.251; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.293

• 1999 - ღირსების ორდენი
  სამშენებლო სფეროში მიღწეული წარმატებისთვის, მსხვილი ობიექტების მშენებლობაში შეტანილი პირადი დიდი წვლილისა და შენობა-ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის
• საქართველოს სახელმწიფო პრემია
  ტექნიკის დარგში
• საქართველოს დამსახურებული ინჟინერი
• შრომის წითელი დროშის ორდენი