ვარლამ იაშვილი

დაბადების ადგილი: სოფელი ოჯოლა, ტყიბულის რაიონი.

დაამთავრა ქუთაისის ინდუსტრიული ტექნიკუმი 1941 წელს; საქართველოს პოლიტექნიკური ინსტიტუტის სამშენებლო ფაკულტეტი 1954 წელს.

1942-1946წწ. II მსოფლიო ომის დროს იბრძოდა საბჭოთა არმიის რიგებში სადესანტო პოლკში; 1947-1972წწ. მუშაობდა საქართველოს მშენებლობის სამინისტროს სამშენებლო ტრესტ "საქშახტმშენის" ტყიბულის სამშენებლო სამმართველოში ოსტატად, სამუშაოთა მწარმოებლად, უბნის უფროსად, სამრეწველო კომბინატის დირექტორად, სამშენებლო სამმართველო "ტყიბულმშენის" უფროსად; 1973-1980წწ. ამავე ტრესტის კაზრეთის სამშენებლო სამმართველოს ("მადნეულმშენი") მთავარ ინჟინრად, სამმართველოს უფროსად; 1981-1990წწ. იყო საქართველოს მინისტრთა საბჭოს კაპიტალური მშენებლობის მთავარი სამმართველოს თბილისისა და სამტრედიის საქალაქთაშორისო მშენებლობის ჯგუფის უფროსი; 1990 წლიდან ხელმძღვანელობდა სამშენებლო ტრესტ "საქკომრემმშენის" ტყიბულის სამმართველოს; მონაწილეობდა ტყიბულის მაღაროთა სამმართველოს ცენტრალური გამამდიდრებელი ფაბრიკის, სპორტის სასახლის (საცურაო აუზით), სტადიონის, პურის ქარხნის, კინოთეატრის, კულტურის სასახლის, მადნეულის სამთო-გამამდიდრებელი კომბინატის (დაბა კაზრეთში), ასევე სხვა სოციალური და საყოფაცხოვრებო ობიექტის მშენებლობაში მიღებულილ აქვს ორდენები და მედლები, მათ შორის: "მეშახტის დიდების" და "სამამული ომის" ორდენები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.258-259; ცნობილი და უცნობი პოლიტექნიკოსები/ დავით გურგენიძე.- თბ.,2020.- გვ.188-189

• საპატიო ნიშნის ორდენი