სერგეი დავიდოვი

რუსეთის სახელმწიფო მოღვაწე, ოფიცერი. კახეთის მეფე ალექსანდრე I-ის შთამომავალი (გვარი მოდის მეფე ალექსანდრე I-ის შვილიშვილის დავითის სახელიდან). 1812 წლის სამამულო ომისა და 1813-1814წწ. ევროპის ლაშქრობათა მონაწილე. ომის შემდეგ ეკავა მაღალი ადმინისტრაციული თანამდებობები; იყო ბელოსტოკის ოლქის მმართველი; რუსეთის ჩრდილო-დასავლეთ რამდენიმე გუბერნიის ვიცე-გუბერნატორი და სამოქალაქო გუბერნატორი; მოღვაწეობდა განათლების დარგშიც - 1838 წლიდან კიევის სასწავლო ოლქის მზრუნველი; 1844 წლიდან სანქტ-პეტერბურგის მეცნიერებათა აკადემიის საპატიო წევრი; 1845 წლიდან სენატორი; 1851 წლიდან სანქტ-პეტერბურგის მეცნიერებათა აკადემიის ვიცე-პრეზიდენტი.

წყარო: ქართული საბჭოთა ენციკლოპედია. ტ. 3. - თბ., 1978. - გვ.332