სერგო კავკასიძე

დაბადების ადგილი: დაბა ფასანაური, დუშეთის რაიონი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი 1930 წელს.

1930-1934წწ. მუშაობდა ზაჰესის ჰიდროსადგურში, "კავკასენერგოს" მაღალი ძაბვის ქსელების სამმართველოში ინჟინრად, ტექნიკური განყოფილების უფროსად, მთავარი ინჟინრის მოადგილედ; 1934-1941წწ. იყო "საქენერგოს" მაღალი ძაბვის ქსელების სამმართველოს დირექტორის მოადგილე და მთავარი ინჟინერი, "საქენერგის" ტექნიკური განყოფილების უფროსი და მთავარი ინჟინრის მოადგილე; 1941 წლიდან სამშენებლო ტრესტ "საქჰიდროენერგომშენის" სისტემაში იყო "ხრამჰესის" მშენებლობის მთავარი მექანიკოსი, ტრესტ "საქჰიდროენერგომშენის" მაღალი ძაბვის ქსელებისა და ქვესადგურების სამშენებლო-სამონტაჟო სამმართველოს უფროსი, "საქჰიდროენერგომშენის" მთავარი ინჟინრის მოადგილე; ხელმძღვანელობდა მაღალი ძაბვის გადამცემი ხაზებისა და "ხრამჰესი-თბილისი-ზაჰესის", "სოხუმი-ტყვარჩელის", "ბაღნარი-გაგრის", "ნავთლუღი-სამგორის" ქვესადგურების მშენებლობას.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.268

• მედალი "შრომითი მამაცობისთვის"
• შრომის წითელი დროშის ორდენი
• საქართველოს დამსახურებული ინჟინერი