ლევან კალანდაძე

დაბადების ადგილი: სოფელი ხიდისთავი, ჩოხატაურის რაიონი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი ელექტროგადამცემი ხაზების მშენებლობის სპეციალობით 1941 წელს.

1941-1947წწ. მუშაობდა გაერთიანება "საქენერგოში"; 1947-1963წწ. ახალშექმნილ სამშენებლო სამონტაჟო ტრესტ "კავკასელექტროქსელმშენის" ქ. ქუთაისის N1 სამონტაჟო სამმართველოში - მთავარ ინჟინრად, ამავე სამმართველოს უფროსად; 1964 წლიდან იყო სამშენებლო ტრესტ "კავკასელექტროქსელმშენის" N54 მექანიზებული კოლონის უფროსი; მისი მონაწილეობითა და ხელმძღვანელობით აშენდა მაღალი ძაბვის ელექტროგადამცემი ხაზები სომხეთსა და უკრაინაში, "ენგურჰესის" 500-კილოვოლტიანი მაღალი ძაბვის ხაზი სვანეთში, 250-კილოვოლტიანი "გლდანი-რუსთავი", 110-კილოვოლტიანი "რუსთავის მარჯვენა სანაპირო-ორხევი", ასევე, 500-კილოვოლტიანი "ნევინომინსკ-ვლადიკავკაზი", "გროზნო-ვლადიკავკაზი", "სტავროპოლ-სტავროპოლჰესი", საქართველოს ჯანდაცვის სამინისტროს N4 სამმართველოს სანატორიუმი "თბილისი" გაგრაში და სხვა; საპატიო ენერგეტიკოსი, დაჯილდოებული იყო რუსეთისა და საქართველოს სახელმწიფო ჯილდოებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.274-275

• საქართველოს დამსახურებული ინჟინერი