თამარ მოსეშვული

დაბადების ადგილი: ქ. ქუთაისი

დაამთავრა ქუთაისის  პოლიტექნიკური ინსტიტუტის საფეიქრო ფაკულტეტი 1979 წელს და მოსკოვის ს. კოსიგინის სახ. საფეიქრო ინსტიტუტის ასპირანტურა 1986 წელს.

1979-1982წწ. მუშაობდა ქუთაისის ნ. მუსხელიშვილის სახელობის პოლიტექნიკური ინსტიტუტის სამეცნიერო -კვლევითი სამუშაოების განყოფილებაში უფროს ლაბორანტად, 1983-1986წწ. სწავლობდა ასპირანტურაში, 1990-2006წწ. ქუთაისის ტექნიკური უნივერსიტეტის საფეიქრო მრეწველობის კათედრაზე ეკავა დოცენტის თანამდებობა, 2006 წლიდან  საინჟინრო-ტექნოლოგიურ ფაკულტეტზე, გამოყენებითი დიზაინის, ტექსტილისა და მსუბუქი მრეწველობის ნაკეთობათა ტექნოლოგიების დეპარტამენტის ასოცირებული პროფესორია.  მას გამოქვეყნებული აქვს 50-ზე მეტი სამეცნიერო სტატია და დამხმარე სახელმძღვანელოები სტუდენტებისთვის. 1997 წლიდან  არის არასამთავრობო ორგანიზაცია იმერეთის მხარის მეცნიერთა კავშირის "სპექტრის" აღმასრულებელი დირექტორი, ხელმძღვანელობს  ორგანიზაციის მიერ განხორციელებულ სოციალურ და ჯანდაცვის პროექტებს. ინჟინერ-ტექნოლოგი. ტექნიკის მეცნიერებათა კანდიდატი (1986), ასოცირებული პროფესორი (2014).

საკანდიდატო დისერტაცია თემაზე - "უგრეხი რთვის ტექნოლოგიის შემუშავება ქიმიური ბოჭკოების და მათი ნაზავებისათვის".

წყარო: საქართველოს ინჟინერი ქალები.- თბ.,2008.- გვ.113-114; atsu.edu.ge

• საფეიქრო მასალათმცოდნეობა : დამხმ. სახელმძღვ. (თანაავტორი). - ქუთაისი, ა. წერეთლის სახელმწ. უნ-ტი, 2009. - 228გვ.. - ISBN: 978-9941-9095-3-5