ვახტანგ კაპანაძე

დაბადების ადგილი: ქ. ბორჯომი.

დაამთავრა თბილისის პოლიტექნიკური ტექნიკუმი, საავტომობილო გზებისა და ხიდების მშენებლობის სპეციალობით 1966 წელს.

1967 წელს მუშაობა დაიწყო საქართველოს მშენებლობის სამინისტროს ბორჯომის სამშენებლო სამმართველოში; შრომითი საქმიანობის პარალელურად დაამთავრა საქართველოს პოლიტექნიკური ინსტიტუტის სამშენებლო ფაკულტეტის დაუსწრებელი განყოფილება სამრეწველო და სამოქალაქო მშენებლობის სპეციალობით.

1984 წლიდან გადაჰყავთ საქართველოს ვაჭრობის სამინისტროს ბორჯომის სამმართველოს უფროსად; 2012 წლიდან შპს "მშენებელი- 2012"-ის დამფუძნებელი და დირექტორია, რომელიც ახორციელებს საავტომობილო გზების მშენებლობას და მათ მოვლა-შენახვას; მისი ფუნქციონირების ზონას წარმოადგენს ბორჯომის რაიონი, 132 კმ დიაპაზონში; მისი მონაწილეობითა და ხელმძღვანელობით აშენდა 30 და 75-ბინიანი საცხოვრებელი სახლები ქ. ბორჯომში და დაბა ლიკანში, რძისა და ხორცის კომბინატები დაბა ლიკანში, ნაპირსამაგრი ნაგებობები, მთელი რიგი ვაჭრობის ობიექტები "ხაშური-ბორჯომი-ახალციხე-აბასთუმნის" ზონაში, განხორციელდა ცემის საავტომობილო გზის სარეაბილიტაციო სამუშაოები; მიღებული აქვს სახელმწიფო ჯილდოები და საუწყებო სიგელები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.279