ნია ნათბილაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის მექანიკა-მანქანათმშენებლობის ფაკულტეტი 1988 წელს და ასპირანტურა.

ინსტიტუტში სწავლის პერიოდში იყო სახელობითი სტიპენდიატი, 1987 წელს ქ. პრაღაში, ჯერ კიდევ სტუდენტმა მონაწილეობა მიიღო საერთაშორისო კონკურსში ელექტროტექნიკის დარგში და აღნიშნული კონკურსის ლაურიატი გახდა. ინსტიტუტის დამთავრების შემდეგ ის აგრძელებს აქტიურ სამეციერო-კვლევით საქმიანობას, დაამთავრა ასპირანტურა და დაიცვა დისერტაცია. 1994-1997წწ. ის მოსკოვის მექანიკა-მათემატიკის კვლევითი ინსტიტუტის მეცნიერ-თანამშრომელია და მუშაობს რობოტოტექნიკის საკითხებზე. 1999 წლიდან უბრუნდება საქართველოს ტექნიკურ უნივერსიტეტს და მუშაობას იწყებს პოლიგრაფია-კომპიუტერული გრაფიკის კათედრაზე ჯერ დოცენტად, ხოლო შემდეგ ასოცირებულ პროფესორად. ნ. ნათბილაძე არის მრავალი სამეცნიერო ნაშრომის ავტორი, რესპუბლიკური და საერთაშორისო კონფერენციების მონაწილე. ტექნიკის მეცნიერებათა კანდიდატი (1996).

წყარო: საქართველოს ინჟინერი ქალები.- თბ.,2008.- გვ. 122-123