ვლადიმერ კაციტაძე

დაბადების ადგილი: ქ. კრასნოკუტსკი, ხარკოვის ოლქი.

დაამთავრა თბილისის პოლიტექნიკური ინსტიტუტის ინდუსტრიული ფაკულტეტი მშენებელი ინჟინრის კვალიფიკაციით 1929 წელს.

1926-1953წწ. მუშაობდა ჩუსოვსკის (პერმის რკინიგზა) ხიდმშენებელ ქარხანაში, "თურქესტან-ციმბირის" სარკინიგზო მაგისტრალის მშენებლობაზე, ამიერკავკასიის რკინიგზის მშენებლობაზე საძიებო პარტიის უფროსად, "ერევან-ახტის" რკინიგზის მშენებლობაზე სამუშაოთა მწარმოებლად, ტრესტ "თბილწყალკანალის" საპროექტო განყოფილების უფროს ინჟინრად, სევანის რკინიგზის უბნის მშენებლობის უფროსად, საპროექტო ინსტიტუტ "კავტრანსპროექტის" სამხედრო-აღმდგენი სამუშაოების სამმართველოს განყოფილების უფროსად, აღმდგენი სამუშაოების მთავარ ინჟინრად და სალიანდაგო სამსახურის უფროსის მოადგილედ ბელორუსიაში, "გუდერმეს-მახაჩკალისა" და "ადლერ-გაგრის" ტიტულების უფროსად, ამიერკავკასიის რკინიგზის საგზაო-სამშენებლო კანტორის უფროსად; იყო დირექტორ-პოდპოლკოვნიკი, ამიერკავკასიის რკინიგზის უფროსის მოადგილე მშენებლობის დარგში; შრომითი საქმიანობის ბოლო პერიოდში მუშაობდა საპროექტო ინსტიტუტ "თბილმეტროპროექტში", სადაც წლების მანძილზე პროექტირების ბიუროს ხელმძღვანელობდა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.282

• მედალი "ბერლინის აღებისთვის"
• მედალი "ვარშავის განთავისუფლებისთვის"
• მედალი "კავკასიის დაცვისთვის"
• საპატიო ნიშნის ორდენი
• წითელი ვარსკვლავის ორდენი
• სამამულო ომის II ხარისხის ორდენი