ზურაბ კახნიაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1963 წელს. 

1963-1972წწ. მუშაობდა საქართველოს ადგილობრივი მრეწველობის სამინისტროს საპროექტო-საკონსტრუქტორო ბიუროში ინჟინერ-კონსტრუქტორად, საპროექტო განყოფილების უფროსად; 1972-1973წწ. სამშენებლო ტრესტ "თბილგვირაბმშენში" მთავარი მექანიკოსის განყოფილების ინჟინრად; ამავე ორგანიზაციაში N213 სამშენებლო-სამონტაჟო მატარებლის პარტბიუროს მდივნად; 1973-1977წწ. იყო საქართველოს კპ თბილისის საქალაქო კომიტეტის მშენებლობისა და საქალაქო მეურნეობის განყოფილების ინსტრუქტორი; 1977-1982წწ. საართველოს კპ ცენტრალური კომიტეტის მშენებლობის განყოფილების ინსტრუქტორი; 1982-1985წწ. თბილისის კალინინის (ამჟამად მთაწმინდის) რაიონული საბჭოს აღმასკომის თავმჯდომარე; 1985-1991წწ. თბილისის საქალაქო საბჭოს აღმასკომის თავმჯდომარის მოადგილე; 1991-1995წწ. იყო თბილისის პრეფექტურის საქმეთა მმართველი, თბილისის მერის მოადგილე, საბინაო საკითხთა გაერთიანების უფროსი; 1995-1997წწ. საქართველოს სახელმწიფო კანცელარიის დამოუკიდებელ სახელმწიფოთა თანამეგობრობის ქვეყნებთან თანამშრომლობის სახელმწიფო ბიუროს თავმჯდომარის თანაშემწე; 1997-2004წწ. საწესდებო ორგანოებთან თანამშრომლობის განყოფილების გამგე; 2005 წლიდან იყო თბილისის "წყალკანალის" სამეურნეო და ადმინისტრაციული განყოფილების უფროსი; ამავე განყოფილების მთავარი სპეციალისტი; მინიჭებული აქვს უფროსი მრჩევლის დიპლომატიური რანგი; არის არაერთი საწარმოო და სამოქალაქო ობიექტის პროექტის ავტორი; დაჯილდოებულია საქართველოს უმაღლესი საბჭოს პრეზიდიუმის საპატიო სიგელით; არქიტექტორთა და მშენებელთა საენციკლოპედიო-საგამომცემლო ფონდის გაზეთ "აღმშენებლობის მემატიანეს" პასუხისმგებელი მდივანი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.285-286

• საქართველოს მშენებელთა კავშირი, წევრი

• ღირსების მედალი
• ღირსების ორდენი