ლევან კლიმიაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ჰიდროტექნიკისა და სანტექნიკის ფაკულტეტი ინჟინერ-მშენებლის კვალიფიკაციით 1970 წელს; 1973-1977წწ. სწავლობდა ასპირანტურაში ქ. მოსკოვის საინჟინრო-სამშენებლო ინსტიტუტში წყალმომარაგების კათედრაზე.

1977-2000წწ. მუშაობდა საქართველოს ტექნიკური უნივერსიტეტის, წყალმომარაგებისა და წყალარინების კათედრაზე მეცნიერ თანამშრომლად, ასისტენტად, დოცენტისა და პროფესორის თანამდებობაზე; 2000-2009წწ. იყო ამავე კათედრის გამგე, მიმართულების ხელმძღვანელი, სრული პროფესორი; 2009 წლიდან მუშაობს საქართველოს ტექნიკური უნივერსიტეტის რექტორის მოადგილედ, ვიცე-რექტორად; მონაწილეობა აქვს მიღებული მრავალ საერთაშორისო პროექტებში, როგორებიცაა: "უნივერსიტეტის წვლილი ბოლონიის პროცესში", "სენსერის" პროექტი, "სამაგისტრო პროგრამების დამუშავება", "განათლება-ეკონომიკა"; წლების განმავლობაში ეკავა საპასუხისმგებლო თანამდებობები: საქართველოს ტექნიკური უნივერსიტეტის სასწავლო-მეთოდური სამმართველოს, ბიზნესის ხელშემწყობი ცენტრის, წყლის რესურსების დაცვის და რაციონალური გამოყენების სამთავრობო-საკონსულტაციო საბჭოს უფროსის და სხვა; ასევე არის გაერთიანებული ერების განვითარების პროგრამაში (4 NDP S.S Agreement N 2005/148) კომიტეტის წევრი, სამშენებლო ფაკულტეტის სადისერტაციო საბჭოს თავმჯდომარე და სხვა; გამოქვეყნებული აქვს 100-ზე მეტი სამეცნიერო ნაშრომი. მათ შორის: 11 მონოგრაფია, 7 სახელმძღვანელო; მიღებული აქვს 9 საერთაშორისო მოწმობა და პატენტი; დაჯილდოებულია საქართველოს განათლებისა და მეცნიერების სამინისტროს და აშშ-ის ჯილდოებით მეცნიერებაში მიღწეული წარმატებებისათვის. ტექნიკურ მეცნიერებათა კანდიდატი.

სადისერტაციო თემა - "წყალმომარაგების სისტემების საიმედოობის ანალიზი, შეფასება და პროგნოზირება".

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.313; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 89-90

• 2003 - ღირსების ორდენი

• წყალმომარაგებისა და წყალარინების საფუძვლები (თანაავტორი). - თბილისი, ტექნიკური უნ-ტის გამ-ბა, 2012. - 373გვ.
• წყლის მიწოდებისა და განაწილების სისტემების საიმედოობა : მონოგრაფია (ავტორი). - თბილისი, ტექნიკური უნ-ტი, 2011. - 412გვ.
• შენობების საინჟინრო აღჭურვა : სახელმძღვანელო (თანაავტორი). - თბილისი, ტექნ. უნ-ტი, 2011. - 266გვ.
• გარემო და მდგრადი განვითარება : სახელმძღვანელო (თანაავტორი). - თბილისი, ტექნიკური უნ-ტის გამ-ბა, 2007. - 208გვ.
• წყალმომარაგების სისტემების ოპტიმალური პარამეტრების განსაზღვრის მეთოდები (თანაავტორი). - თბილისი, ტექნიკური უნ-ტის გამ-ბა, 2001. - 175გვ.