ადერკინ კოპლატაძე

დაბადების ადგილი: ქ. ბათუმი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1944 წელს.

წლების განმავლობაში პარტიულ-სამეურნეო და საბჭოთა-პროფკავშირულ ორგანოებში ეკავა ხელმძღვანელი თანამდებობები; 1958-1960წწ. იყო საქართველოს კომპარტიის ბათუმის საქალაქო კომიტეტის მეორე მდივანი; 1960-1973წწ. პირველი მდივანი, აჭარის ასსრ მინისტრთა საბჭოს თავმჯდომარის მოადგილე, საქართველოს მშენებლობის სამინისტროს სამშენებლო გაერთიანება "საქკურორტმშენის" უფროსი, მშენებლობის მინისტრის მოადგილე; ხელმძღვანელობდა მშენებლობისა და საშენი მრეწველობის მუშაკთა რესპულიკურ პროფკავშირულ კომიტეტს, არქიტექტურისა და მშენებლობის სამინისტროს საგარეო-ეკონომიკურ ურთიერთობათა გაერთიანება "საქმშენიმპექსს"; არჩეული იყო საქართველოს პენსიონერთა კავშირის კომიტეტის თავმჯდომარედ; იყო ბათუმის საქალაქო საბჭოსა და აჭარის უმაღლესი საბჭოს არაერთი მოწვევის დეპუტატი; დაჯილდოებულია მედლებითა და საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.319-320

• საქართველოს მშენებელთა ფედერაცია, წევრი

• 2016 - ბათუმის საპატიო მოქალაქე
• შრომის წითელი დროშის ორდენი
• ღირსების ორდენი
• საქართველოს დამსახურებული ინჟინერი