ლერი კოხრეიძე

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1958 წელს.

სწავლის დამთავრებისთანავე საინსტიტუტო განაწილებით მუშაობა დაიწყო ქ. ჩერკასკის (უკრაინა) საორთქმავლო დეპოს მშენებლობაზე სამუშაოთა მწარმოებლად; 1960-1964წწ. მუშაობდა თბილისის პირველი მაისის (ახლანდელი დიდუბე-ჩუღურეთი) რაიონის სამშენებლო სამმართველოში ოსტატად, სამუშაოთა მწარმოებლად; 1964-1970წწ. თბილისის მეფრინველეობის ფაბრიკაში მთავარ ინჟინრად მშენებლობის დარგში; 1970 წელს დაინიშნა ახლად ჩამოყალიბებული გაერთიანება "საქფრინველმრეწვის" სპეციალიზებული სარემონტო სამონტაჟო-სამშენებლო სამმართველოს უფროსად, მოგვიანებით კი სამონტაჟო-სამშენებლო ტრესტის მმართველად და "საქფრინველმრეწვის" დეპარტამენტის თავმჯდომარის მოადგილედ მშენებლობის დარგში; 1995 წლიდან საქართველოს სოფლის მეურნეობის სამინისტროს მეცხოველეობის სანაშენე დეპარტამენშია თავმჯდომარის მოადგილედ მშენებლობის დარგში; 1998 წლიდან კი სათავეში ედგა თბილისის მეფრინველეობის ფაბრიკასა და შპს "კოლერს"; ხელმძღვანელობდა გაგრის, საგარეჯოს, ხაშურისა და წყალტუბოს მეფრინველეობის ფაბრიკებისთვის ტექნოლოგიური მოწყობილობებით უზრუნველყოფასა და მონტაჟს დაჯილდოებულია სხვადასხვა სახელმწიფო ჯილდოებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.323

• ღირსების ორდენი
• საქართველოს დამსახურებული ინჟინერი