გივი კუპრეიშვილი

დაბადების ადგილი: სოფელი საგვაზაო, აბაშის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1948 წელს.

1948-1953წწ. მუშაობა დაიწყო საქართველოს სამთო მომპოვებელ ტრესტ "საქმახშირის" ტყვარჩელის სამშენებლო სამმართველოში სამუშაოთა მწარმოებლად, შედეგ ქუთაისის სამშენებლო სამმართველოში სამუშაოთა მწარმოებლად, უბნის უფროსად, სამმართველოს უფროსად; 1964 წლიდან ხელმძღვანელობდა საქართველოს მშენებლობის სამინისტროს N1 სამშენებლო ტრესტის N10 სამმართველოს. იყო იმავე სამინისტროს N13 სამშენებლო ტრესტის მმართველი და ტრესტ "კოოპმშენის" მთავარი ინჟინერი, "საქმთავარწყალმშენის" მმართველის მოადგილე; მისი მონაწილეობითა და ხელმძღვანელობით აშენდა მრავალი მნიშვნელოვანი ობიექტი, მათ შორის: ლადო მესხიშვილის სახელობის სახელმწიფო დრამატული თექტრი ქ. ქუთაისში, სასტუმრო "თბილისი", კინოთეატრი "ქუთაისი", ფეხბურთის სტადიონი, ქუთაისის მრავალფუნქციური საავადმყოფო, საქართველოს სასოფლო-სამეურნეო და ზოოვეტერინარული ინსტიტუტები, ტაბახმელის ბიოკომბინატის კომპლექსი, თბილისის სამხატვრო აკადემიის ახალი სასწავლო კორპუსი, ბავშვთა N2 საავადმყოფო (თბილისში) და სხვა; არაერთხელ იყო არჩეული ქუთაისის საქალაქო საბჭოს დეპუტატად, საქართველოს კპ ქუთაისის საქალაქო კომიტეტის წევრად. დაჯილდოებული იყო საქართველოს უმაღლესი საბჭოს პრეზიდიუმის საპატიო სიგელებით და მედლებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.326-327

• შრომის წითელი დროშის ორდენი
• საქართველოს დამსახურებული ინჟინერი