შოთა კუჭავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1973 წელს.

1973-1980წწ. მუშაობდა საქართველოს მშენებლობის სამინისტროს ფოთის N11 სამშენებლო ტრესტში ოსტატად, სამუშაოთა მწარმოებლად; 1980-1990წწ. ამავე ტრესტის სამშენებლო სამმართველოსა და ტრესტის საწარმოო-ტექნიკური განყოფილებების უფროსად; 1990-1991წწ. სამშენებლო ტრესტ "ფოთიმშენის" სამმართველოს მთავარ ინჟინრად, უფროსად; 1991 წელს სათავეში ჩაუდგა შპს "სფინქსს"; მონაწილეობდა სამოქალაქო და სამრეწველო დანიშნულების მრავალი მნიშვნელოვანი ობიექტის: ფოთის გემთმშენებელი ქარხნის საწარმოო კორპუსის, ფოთის წისქვილქარხნის სასილოსე ნაგებობის, საცხოვრებელი სახლების, სკოლების, ნავსადგურის ტერიტორიაზე განთავსებული საწარმოო ბაზების მშენებლობასა და რეკონსტრუირებაში; დიდი წვლილი აქვს შეტანილი ქ. ფოთის განაშენიანებისა და კეთილმოწყობის საქმეში; არჩეულია ფაზისის საერო-სამეცნიერო აკადემიის წევრად, საქართველოს მშენებელთა კავშირის ფოთის განყოფილების ხელმძღვანელად.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.330

• საპატიო ნიშნის მედალი