გიორგი ლაღუნდარიძე

დაბადების ადგილი: ქ. ზესტაფონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით და მიენიჭა ინჟინერ-მშენებლის კვალიფიკაცია 1982 წელს.

1982 წლიდან მუშაობდა საქართველოს პოლიტექნიკურ ინსტიტუტში; 1982-1985წწ. იყო ინსტიტუტის სპეციალური საკონსტრუქტორო ბიუროს ინჟინერი; 1984-1985წწ. არჩეული იყო პოლიტექნიკური ინსტიტუტის გაერთიანებული პროფკომის თავმჯდომარის მოადგილედ; 1986-1989წწ. ამავე ინსტიტუტის ასპირანტია; 1991 წლიდან გადაყვანილ იქნა დოცენტის თანამდებობაზე; 1991 წელს დანიშნულ იქნა საქართველოს ტექნიკური უნივერსიტეტის სამშენებლო ინსტიტუტის დირექტორის მოადგილედ; 1996 წლიდან მუშაობდა საქართველოს ტექნიკური უნივერსიტეტის სამშენებლო ფაკულტეტის დეკანის მოადგილედ, დეკანად; იყო ფაკულტეტის სასწავლო-მეთოდური საბჭოს თავმჯდომარე; კონსტრუქციების ტექნიკური დიაგნოსტიკის, მშენებლობის ეკონომიკისა და მართვის კათედრებზე მიჰყავს თეორიული კურსი "მშენებლობის ეკონომიკა", "მშენებლობის წარმოების ორგანიზაცია და მართვა", "კონსტრუქციების დიზაინების ტექნიკური დიაგნოსტიკა და ექსპერტიზა"; აქვს 25 სამეცნიერო და სასწავლო-მეთოდური ნაშრომი; არის 7 გამოგონების ავტორი. ტექნიკურ მეცნიერებათა კანდიდატი (1990).

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.338

• რღვევის მექანიკა : დამხმარე სახელმძღვანელო (თანაავტორი). - თბილისი, ტექნ. უნ-ტი, 2003. - 100გვ.