თამაზ ლეჟავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ინჟინერ-მშენებლის კვალიფიკაციით 1967 წელს.

1967 წელს დაიწყო შრომითი საქმიანობა და განვლო ყველა პროფესიული სამსახურებრივი საფეხური რიგითი ინჟინრიდან სამშენებლო გაერთიანების უფროსამდე; 1983 წელს დაინიშნა საბჭოთა კავშირის უცხოური ტურიზმის სახელმწიფო კომიტეტის სამშენებლო ტრესტ "ინტურისტსპეცრემმშენის" მმართველად, რომლის ბაზაზე ჩამოყალიბდა სამშენებლო გაერთიანება და სს "ინტურისტსპეცრემმშენი"; მისი მონაწილეობითა და ხელმძღვანელობით ჩაუტარდა აღდგენა-რესტავრაციის სამუშაოები ისეთ უნიკალურ არქიტექტურულ ძეგლებს, როგორებიცაა: სასტუმროები "ლენინგრადსკაია" და "კარელია" ქ. ლენინგრადში, "ლონდონსკაია" და "კრასნაია" ქ. ოდესაში, "მეტროპოლი", "ნაციონალი" და "სავოი" ქ. მოსკოვში; სასტუმროები "ინტურისტი" ქ. ბათუმში, ქ. სოხუმში, ქ. ლვოვში; ასევე, ბათუმის დრამატული თეატრის, დადიანების სასახლის (ზუგდიდში) და აჭარის უმაღლესი საბჭოს შენობები; მისი ხელმძღვანელობით საექსპლუატაციოდ გადაიცა "ინტურისტი"-ს სასტუმროების შენობები ქ. სტავროპოლში, ქ. ნოვგოროდში, ქ. კიშინიოვში; ასევე სასტუმროები "თბილისი" და "საქართველო" ქ. თბილისში, წყალჯომარდობის კომპლექსი ქ. ფოთში და სხვა; დაჯილდოებული იყო სახელმწიფო ჯილდოებით, რუსეთის ფედერაციისა და საქართველოს უმაღლესი საბჭოს პრეზიდიუმის, ასევე, საუწყებო საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.343

• საქართველოს მშენებელთა კავშირი, წევრი

• საქართველოს დამსახურებული ინჟინერი