შალვა ლომინაძე

დაამთავრა თბილისის რკინიგზის ტრანსპორტის ინჟინერთა ინსტიტუტი 1936 წელს; იმავე ინსტიტუტის ასპირანტურა.

II მსოფლიო ომის წლებში მსახურობდა ირანში, საბჭოთა ჯარების შემედგენლობაში; 1947-1953წწ. მუშაობდა აკარმარაში (აფხაზეთის ასსრ), "კვეზანი-ტყვარჩელისა" და გუდაუთის სარკინიგზო ხაზებისა და რკინიგზის სადგურების მშენებლობაზე; 1953-1954წწ. ჩამოაყალიბა სსრკ სატრანსპორტო მშენებლობის სამინისტროს სამშენებლო სამონტაჟო ტრესტ "ამიერკავკასტრანსმშენის" N133 სამშენებლო სამმართველო; 1956-1959წწ. ხელმძღვანელობდა საქართველოს მშენებლობის სამინისტროს სოხუმის N6 სამშენებლო ტრესტს; 1959-1975წწ. სამშენებლო ტრესტ "ამიერკავკასტრასმშენის" N133 სამშენებლო სამმართველოს; იყო საქართველოს პოლიტექნიკური ინსტიტუტის სამშენებლო ფაკულტეტის მშენებლობის ორგანიზაციისა და მართვის კათედრის დოცენტი; ამავე ფაკულტეტის სადიპლომო კომისიის თავმჯდომარე; აფხაზეთის ასსრ უმაღლესი საბჭოს არაერთი მოწვევის დეპუტატი; დაჯილდოებული იყო საკავშირო და საქართველოს სახელმწიფო ჯილდოებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.351

• საქართველოს დამსახურებული ინჟინერი