თამაზ ლომჯარია

დაბადების ადგილი: ქ. ოზურგეთი.

დაამთავარა საქართველოს პოლიტექნიკური ინსტიტუტის არქიტექტურის ფაკულტეტი 1975 წელს.

1975-1980წწ. მუშაობდა მახარაძის (ამჟამად ოზურგეთის) რაისაბჭოს აღმასკომის საპროექტო ბიუროს არქიტექტორად; 1980-1992წწ. იყო ოზურგეთის სამხატვრო გამფორმებელი საწარმოს ჯერ მთავარი ინჟინერი, შემდეგ კი დირექტორი; 1992-2008წწ. იყო არასამთავრობო ორგანიზაცია "ადამიანი და გარემოს" თავმჯდომარე; 2008-2014წწ. მუშაობდა ოზურგეთის მუნიციპალიტეტის ა(ა) ი. პ. "კეთილმოწყობისა და არქიტექტურული დაგეგმარების" ცენტრის მთავარ სპეციალისტად; 2014 წლიდან ოზურგეთის მუნიციპალიტეტის არქიტექტურის განყოფილების უფროსია; მისი ძირითადი ნამუშევრებია: საზაფხულო კაფე-ბარი "ბახმარო" ბ. ძნელაძის ქუჩაზე (ქ. თბილისში), მუსიკალური შადრევანი და ფირმა "ბახმაროს" კაფე-ბარი (თანაავტორი), ფირმა "ბახმაროს" ადმინისტრაციული შენობა (ქ. ოზურგეთში), ოზურგეთის რკინიგზის სადგურის რეკონსტრუქცია (თანაავტორი), ოზურგეთის საკათედრო ტაძარი გაბრიელ ეპისკოპოსის ქუჩაზე (თანაავტორებთან), სარეაბილიტაციო ცენტრი და სასტუმრო სოფელ ნატანებში (შეკვეთილი), საკონდიტრო ქარხნის რეკონსტრუქცია სოფელ მაკვანეთში, სუპერმარკეტები ე. თაყაიშვილისა და ნ. ნაკაშიძის ქუჩებზე, სააგარაკო და საცხოვრებელი სახლები შეკვეთილში, ურეკსა და ქ. ოზურგეთში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.353-354