ზურაბ ლორთქიფანიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკურ ნაგებობათა მშენებლობის სპეციალობით 1952 წელს.

1952-1962წწ. მუშაობდა საპროექტო ინსტიტუტ "თბილჰიდროპროექტში" დამპროექტებლად, უფროს ინჟინრად; 1963-1972წწ. საქართველოს კომუნალური მეურნეობის სამინისტროს საპროექტო ინსტიტუტის და კაპმშენებლობის სამმართველოს მთავარ ინჟინრად; 1972 წლიდან იყო საქართველოს სასოფლო მშენებლობის სამინისტროს საპროექტო ინსტიტუტ "საქსაკოლმმშენპროექტის" ჯერ მთავარი ინჟინერი, შემდგომ დირექტორი; იყო პროექტების ავტორი და უშუალოდ მონაწილეობდა არაერთი კომუნალური და სასოფლო-სამეურნეო, სამოქალაქო-სამრეწველო და ჰიდროტექნიკური ობიექტის, მათ შორის: სოფელ უდაბნოსა და სხვა მსხვილი სასოფლო დასახლებების, მეცხოველეობისა და მეფრინველეობის კომპლექსების, სასოფლო-სამშენებლო ინდუსტრიის ობიექტების მშენებლობაში; იყო იმ პირველ ქართველ ინჟინერ-ჰიდროტექნიკოსთა შორის, რომლებმაც დაიწყეს "ენგურჰესის" კომპლექსის დაგეგმარება.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.355

• საპატიო ნიშნის მედალი
• საპატიო ნიშნის ორდენი
• საქართველოს დამსახურებული ინჟინერი