ფერდინანდ ლორთქიფანიძე

დაბადების ადგილი: ქ. თბილისი.

დაამთავრა თბილისის სარკინიგზო ტრანსპორტის ინჟინერთა ინსტიტუტის სამშენებლო ფაკულტეტი 1958 წელს; მოსკოვის სახალხო მეურნეობის მართვის ინსტიტუტი 1975 წელს.

1959-1960წწ მუშაობდა ქ. ვორონეჟში, სამხრეთ-აღმოსავლეთ რკინიგზის სამმართველოში სამუშაოთა მწარმოებლად; 1960-1964წწ. საქართველოს მინისტრთა საბჭოს მშენებლობისა და არქიტექტურის საქმეთა სახელმწიფო კომიტეტში უფროს ინჟინრად, მთავარ სპეციალისტად; 1964-1966წწ. იყო საქართველოს კპ თბილისის საქალაქო კომიტეტის მშენებლობისა და კომუნალური მეურნეობის განყოფილების ინსტრუქტორი; 1966-1967წწ. საქართველოს მშენებლობის სამინისტროს საპროექტო-ტექნოლოგიური ტრესტ "საქორგტექმშენის" მმართველის მოადგილე; 1968 წელს მოვლინებული იყო ბუქარესტში (რუმინეთი) სამოქალაქო მშენებლობის ინჟინერ-კონსტრუქტორად; 1971-1973წწ. ქ. კონაკრიში (გვინეის რესპუბლიკა), საკავშირო გაერთიანება "ბოქსიტმშენის" ინჟინერ-კონსულტანტად; 1973-1974წწ. იყო საქართველოს სასოფლო მშენებლობის სამინისტროს სამშენებლო-სამონტაჟო ტრესტ "საქსათბურმშენის" მმართველის მოადგილე; 1975-1987წწ. საქართველოს სახელმწიფო სამხატვრო და 1989-1991წწ. კინემატოგრაფიის ფონდის დირექტორი; 1991-1994წწ. არაბეთის გაერთიანებული საემიროების წარმომადგენელი საქართველოში; 1994-1996წწ. მუშაობდა საქართველოს ცეკავშირის მთავარი სამმართველოს უფროსად; 1996-1998წწ. საქართველოს ეროვნულ ფასეულობათა სახელმწიფო დეპარტამენტის თავმჯდომარის პირველ მოადგილედ; 1999 წელს ავღანეთი-ირანი-ემირატები-რუსეთის ერთობლივი შპს "მალეს" დირექტორად; 2000-2002წწ. იყო "საქტრანსგაზმრეწვის" დირექტორთა საბჭოს თავმჯდომარის მოადგილე; 2002-2004წწ. სააქციო საზოგადოება "ნორდ რეალ ესტეიმის" პრეზიდენტი (მოსკოვში); 2004-2007წწ. სააქციო საზოგადოება "ნორდ კონსალტინგ-2000"-ის გენერალური დირექტორი (მოსკოვში); 2010 წლიდან იყო საქართველოს კულტურის ფონდის თავმჯდომარის მოვალეობის შემსრულებელი; 2012 წლიდან საქართველოს და კავკასიის ხალხთა ასამბლეის ვიცე-პრეზიდენტი; დაჯილდოებულია იაპონიის და გვინეის რესპუბლიკის მედლით და საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.357

• საქართველოს მშენებელთა კავშირი, წევრი
• საქართველოს საპატრიარქოს ჩოხოსანთა საზოგადოება, წევრი

• ღირსების ორდენი
• საპატიო ნიშნის ორდენი
• საქართველოს ხელოვნების დამსახურებული მოღვაწე
• საქართველოს დამსახურებული ინჟინერი