ანდრო ლოსაბერიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1952 წელს; შემდეგ ასპირანტურა.

1960 წელს მიიწვიეს სამშენებლო მექანიკისა და სეისმომედეგობის ინსტიტუტის სამშენებლო კონსტრუქციებისა და სამშენებლო მექანიკის განყოფილებაში, რომლის ხელმძღვანელიც გახდა 1968 წელს; 1977 წელს ხელმძღვანელობდა საქართველოს პოლიტექნიკური ინსტიტუტის მასალათა გამძლეობისა და დრეკადობის თეორიის კათედრას; ავტორია რამდენიმე მონოგრაფიის, 7 სახელმძღვანელოსი და 100-ზე მეტი სამეცნიერო ნაშრომის, რომლებიც გამოქვეყნებულია უცხოეთსა და საქართველოში; 1990 წელს დაინიშნა საქართველოს მეცნიერებათა აკადემიის სამშენებლო მექანიკისა და სეისმომედეგობის ინსტიტუტის დირექტორად; მისი კვლევის შედეგი წარმატებით დაინერგა სამშენებლო პროფილის სხვადასხვა საპროექტო და სამეცნიერო ორგანიზაციებში (მოსკოვი, რომი, სანკტ-პეტერბურგი, პრაღა და ა.შ.); განსაკუთრებით უნდა აღინიშნოს მისი წვლილი "ენგურჰესის" უნიკალური თაღოვანი კაშხლის პროექტირებაში; დიდი ამაგი დასდო ახალგაზრდა მეცნიერთა და ინჟინერთა მომზადებას; მისი ხელმძღვანელობით მომზადებულია 21 საკანდიდატო და 3 სადოქტორო დისერტაცია; იყო საქართველოს პოლიტექნიკური ინსტიტუტის სამეცნიერო ხარისხების მიმნიჭებელი საბჭოს თავმჯდომარე, სამეცნიერო კვლევითი ინსტიტუტის საბჭოს, რესპუბლიკის სამეცნიერო-ტექნიკური საზოგადოების სექციის თავმჯდომარე, საქართველოს სსრ სახელმწიფო პრემიების საექსპერტო კომისიის თავმჯდომარე მშენებლობის დარგში; დაჯილდოებულია სხვადასხვა სახელმწიფო ჯილდოებით. საკანდიდატო დისერტაცია დაიცვა 1955 წელს; სადოქტორო დისერტაცია - ინსტიტუტში მუშაობის პერიოდში. პროფესპრი. დაჯილდოებულია საქართველოს მეცნიერებათა აკადემიის პრეზიდიუმის პრემია (1966).

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.358; საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.436

• 1985 - საქართველოს მეცნიერებათა დამსახურებული მოღვაწე
• მედალი "შრომითი მამაცობისთვის"

• დრეკადობის თეორიის ზოგიერთი ამოცანის ამოხსნის მაგალითები (ფილის გაანგარიშება) : დამხმარე სახელმძღვანელო (თანაავტორი). - თბილისი, სტუ-ს სტ., 1990. - 92გვ.
• დრეკადობის თეორიის ბრტყელი ამოცანების გადაწყვეტა სასრულო ელემენტების მეთოდით : მეთოდ. მითითებები (შემდგენელი). - თბილისი, 1988. - 24გვ.
• საანგარიშო-საპროექტო სამუშაოები მასალათა გამძლეობაში მექანიკური სპეციალობებისათვის : დამხმარე სახელმძღვანელო (თანაავტორი). - თბილისი, 1987. - 96გვ.
• თბოტექნიკური გაზომვები და თბური პროცესების ავტომატიზაცია : დამხმ. სახელმძღვ. პოლიტექნ. ინ-ტის სტუდენტებისათვის (ავტორი) // ნაწ. 2 ავტომატიკის საფუძვლები და თბური პროცესების ავტომატიზაცია. - თბილისი, განათლება, 1979. - 318გვ.
• თბოტექნიკური გაზომვები და თბური პროცესების ავტომატიზაცია (ავტორი) // ნაწ. 1 : თბოტექნიკური გაზომვები და ხელსაწყოები. - თბილისი, განათლება, 1977. - 259გვ.