იაკობ მუსხელიშვილი

საერთო განათლება მიიღო ტფილისის კადეტთა კორპუსში. დაამთავრა მიხეილის საარტილერიო სასწავლებელი და ოფიცერთა საარტილერიო სკოლა.

ჯარში მსახურობდა 1884 წლიდან, ყარს-ალექსანდროპოლის საციხოვნო არტილერიაში. მეთაურობდა საციხოვნო არტილერიის ასეულს. მონაწილეობდა (1914-1918) წლების პირველ მსოფლიო ომში. 1915-1916 წლებში-მეთაურობდა მძიმე საარტილერიო ბრიგადის 1-ლ დივიზიონს. 1916-1918 წლებში იმყოფებოდა დვინსკის (ლატვიის ქალაქ დაუგავპილსის სახელი 1893-1917 წლებში). სამხედრო ოლქის შტაბის რეზერვში. 1918 წლიდან იყო ბათუმის ციხის არტილერიის უფროსი და მიხეილის საციხოვნო არტილერიის მეთაური. 1918 -1921 წლებში მსახურობდა ქართულ ჯარში. საქართველოს გასაბჭოების შემდეგ, 1921 წელს გადადგა სამხედრო სამსახურიდან და დარჩა სამშობლოში. არაერთხელ იქნა დაპატიმრებული. პოლკოვნიკი (1911), ქართველი გენერალ-მაიორი (1918).

წყარო: სამხედრო ფიცის ერთგულნი: ქართველი გენერლები.-თბ., 2015.-გვ.81 

• 1915 - წმინდა ვლადიმირის IV ხარისხის ორდენი (მახვილებითა და ბაფთით)
• 1909 - წმინდა სტანისლავის II ხარისხის ორდენი
• 1906 - წმინდა ანას III ხარისხის ორდენი