ბონდო მაღლაფერიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ჰიდროტექნიკურ ნაგებობათა მშენებლობის სპეციალობით 1966 წელს.

1966-2003წწ. მუშაობდა საპროექტო ინსტიტუტ "თბილჰიდროპროექტის" სისტემაში: "ენგურჰესის" თაღოვანი კაშხლისა და ძალოვანი კვანძის დაპროექტებაზე (1966-1976); რუსთავის ქიმიური ქარხნის ტექნიკური წყალმომარაგების, ქ. რუსთავის კომპლექსური ჰიდროკვანძისა და "თბილსრესის" ტექნიკური წყალმომარაგების წყალსატარის პროექტების მთავარ ინჟინრად (1976-1987); 1988-1997 წწ. იყო დაბა გუდავის დედათა და ბავშვთა პანსიონატის, ქ. რუსთავის კომპლექსური დანიშნულების სამეურნეო ობიექტისა (კაშხალი მიმდებარე ჰესით) და რუსეთ-თურქეთის გაზსადენის რეკონსტრუქციის ტედ-ის პროექტების მთავარი ინჟინერი; 2001-2002 წწ. იყო "ბახვიჰესის" პროექტის ტექნიკური საბჭოს თავმჯდომარე; 2003-2005 წწ. ფოთის წყალგამყოფი ჰიდროკვანძის რეაბილიტაციის პროექტის მთავარი ინჟინერი და მდინარე არაგვის ხეობის ნაპირსამაგრი სამუშაოების პროექტის კოორდინატორი; 2006-2009 წწ. ალგეთის წყალსაცავისა და ქ. ხაშურის წყალმომარაგების სისტემის რეაბილიტაციის პროექტების მთავარი ინჟინერი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.377-378

• საქართველოს ენერგეტიკის, ეროვნულ და სოციალურ ურთიერთობათა აკადემია, აკადემიკოსი

• საქართველოს დამსახურებული ენერგეტიკოსი