სპირიდონ ჭავჭავაძე

მონაწილეობდა (1904-1905) წლების რუსეთ-იაპონიისა და (1914-1918) წლების პირველ მსოფლიო ომებში. 1905-1909 წლებში მსახურობდა ნიჟეგოროდის 44-ე დრაგუნთა პოლკში. 1909 წლიდან მსახურობდა ვლადიმერის მე-13 ულანთა პოლკში. 1917 წლის აპრილში დაინიშნა ვლადიმერის მე-13 ულანთა პოლკის მეთაურად. 1918-1921 წლებში მსახურობდა ქართულ ჯარში. იყო გენერალური შტაბის განყოფილების სარემონტო სექციის უფროსი. აქტიურად მონაწილეობდა 1924 წლის აგვისტოს აჯანყების მომზადებაში. 1921-1947 წლებში ცხოვრობდა ემიგრაციაში, საფრანგეთში. 1947 წელს დაბრუნდა საქართველოში. 1947-1951 წლებში ცხოვრობდა თბილისში. 1951 წელს დააპატიმრეს და გადაასახლეს ციმბირში. მიუსაჯეს 25-წლიანი სასჯელი. გარდაიცვალა ციხეში. საბრძოლო დამსახურებისთვის 1916 წელს მიღებული აქვს წმინდა გიორგის იარაღი. პოლკოვნიკი (1915), ქართველი გენერალ-მაიორი (1917).

წყარო: სამხედრო ფიცის ერთგულნი: ქართველი გენერლები.-თბ., 2015.-გვ.101

• 1916 - წმინდა გიორგის IV ხარისხის ორდენი
• 1914 - წმინდა ანას II ხარისხის ორდენი (მახვილებით )
• 1914 - წმინდა ანას III ხარისხის ორდენი (მახვილებითა და ბაფთით)
• 1914 - წმინდა ანას III ხარისხის ორდენი
• 1906 - წმინდა სტანისლავის III ხარისხის ორდენი