ალექსანდრე ალადაშვილი

დაბადების ადგილი: ქ. თელავი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1974 წელს.

1975-1977 წწ. მუშაობდა ქ. თელავის რაიონული საავადმყოფოს სასწრაფო სამედიცინო დახმარების ექიმად, 1977-1978 წწ. თბილისის ექიმთა დახელოვნების ინსტიტუტის თერაპიის კათედრის უფროსი ლაბორანტად; 1978-1980 წწ. მოსკოვის ა. ბაკულევის სახელობის გულსისხლძარღვთა ქირურგიის სამეცნიერო-კვლევითი ინსტიტუტის კარდიოლოგიური განყოფილებისა და გულის კათეტერიზაციის ლაბორატორიის ექიმ-ორდინატორად; 1980-1983 წწ. ამავე ინსტიტუტის ასპირანტია; 1983-1985 წწ. თბილისის სახელმწიფო სამედიცინო ინსტიტუტის თერაპიის კათედრის ასპირანტი; 1986-1988 წწ. მოსკოვის ა. ბაკულევის სახელობის გულსისხლძარღვთა ქირურგიის სამეცნიერო-კვლევითი ინსტიტუტის კარდიოლოგიური განყოფილებისა და გულის კათეტერიზაციის განყოფილების დოქტორანტი; 1998-2004 წწ. გაირა სტაჟირება გერმანიის კარდიოლოგიურ კლინიკებში ინტერვენციული კარდიოლოგიის დარგში; 1984-1994 წწ. თბილისის სახელმწიფო სამედიცინო ინსტიტუტის თერაპიის კათედრის პროფესორი; 1995-1997 წწ. თბილისის სახელმწიფო უნივერსიტეტის თერაპიის კათედრის გამგე, 1997 წლიდან არის შპს "გადაუდებელი კარდიოლოგიის ცენტრის" გულსისხლძარღვთა კათეტერიზაციის ლაბორატორიის ხელმძღვანელი. დაცული აქვს საკანდიდატო დისერტაცია (1983), სადოქტორო (1990). არის 70-ზე მეტი პუბლიკაციის ავტორი. საქართველოში კლინიკურ პრაქტიკაში პირველმა ჩაატარა და ფართოდ დანერგა კორონაროგრაფიის, კორონარული ანგიოპლასტიკის და სტენტირების მეთოდი. 

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.22; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ.. -თბ., 2012.-გვ.185

• 2004 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  მედიცინის მეცნიერებათა დარგში 1988-2000 წლებში შესრულებული ნაშრომისათვის - "საქართველოში გულის იშემიური დაავადებების დიაგნოსტიკისა და მკურნალობის მაღალტექნოლოგიური (ინვაზიური და ინტერვენციული) მეთოდების დანერგვა"