თამაზ მინდელი

დაბადების ადგილი: ქ. ონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1962 წელს.

1962-1965წწ. შრომითი საქმიანობა დაიწყო ქ. ალმა-ათაში (ყაზახეთი), ენერგოობიექტების მშენებლობაზე; გაიარა პროფესიული დაოსტატების ყველა საფეხური, მშენებელი ოსტატიდან ალმა-ათის თბომეურნეობის საექსპლუატაციო რაიონის უფროსამდე; 1965-1967წწ. მუშაობდა საქართველოს მშენებლობის სამინისტროს N7 სამშენებლო ტრესტ "საქშახტმშენში" მარნეულის გერანის ზეთსახდელი ქარხნისა და მისი სასათბურე მეურნეობის მშენებლობის ხელმძღვანელად; 1967-1968წწ. იყო თბილისის თბომეურნეობის სამმართველოს საექსპლუატაციო უბნის უფროსი; 1968-1975წწ. ხელმძღვანელობდა საქართველოს საბინაო-კომუნალური მეურნეობის სამინისტროს თბომეურნეობის რესპუბლიკურ და 1975-1980წწ. თბილისის საბინაო მეურნეობის სამმართველოებს; 1980-1983წწ. იყო თბილისის საქალაქო საბჭოს აღმასკომის საგეგმო კომიტეტის თავმჯდომარის მოადგილე; თბილისის კაპიტალური მშენებლობის სამმართველოს მთავარი ინჟინერი; 1995-2000წწ. კაპიტალური მშენებლობის სამმართველოს რეორგანიზაციის შემდეგ იყო თბილისის მუნიციპალიტეტის მშენებლობისა და კეთილმოწყობის დეპარტამენტის ტექნიკური სამსახურის უფროსი; წლების განმავლობაში კურირებდა კომუნალური, საგანმანათლებლო, ადმინისტრაციული და კულტურული დანიშნულების ობიექტების მშენებლობას; ხელმძღვანელობდა N1 საშუალო სკოლის რეკონსტრუქციას, უნივერმაღ "ბავშვთა სამყაროს" მშენებლობას, თბილისის ახალი მიკრორაიონების საგანმანათლებლო და კომუნალური მომსახურების ინფრასტრუქტურის გაფართოებას; იყო თბილისის საქალაქო საბჭოს 16 მოწვევის დეპუტატი, მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.410-411