ბეჟან მინჯორაია

დაბადების ადგილი: სოფელი ინგირი, ზუგდიდის რაიონი. 

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი საავტომობილო გზების მშენებლობის სპეციალობით 1976 წელს.

1978-1992წწ. მუშაობდა საქართველოს საავტომობილო გზების სამინისტროს ქ. გაგრის N3 საგზაო სარემონტო-სამშენებლო სამმართველოში გზის ოსტატად, სამუშაოთა მწარმოებლად, უბნის უფროსად, საწარმოო-საგეგმო განყოფილების უფროსად; 1993-1995წწ. იყო საქართველოს საავტომობილო გზების სახელმწიფო კონცერნის საავტომობილო გზების საკვლევ-საძიებო და პროექტირების სახელმწიფო ინსტიტუტ "საქსახგზაპროექტის" პროექტის მთავარი ინჟინერი; 1996-2004წწ. გაერთიანება "აფხაზავტოგზის" აპარატის წამყვანი სპეციალისტი; 2005-2012წწ. მუშაობდა საქართველოს ინფრასტრუქტურისა და რეგიონული განვითარების სამინისტროს საავტომობილო გზების დეპარტამენტში უფროს ინჟინრად, მთავარ სპეციალისტად, სამმართველოს უფროსის მოადგილედ; 2013 წლიდან მუშაობს საქართველოს ინფრასტრუქტურისა და რეგიონული განვითარების სამინისტროს საავტომობილო გზების განვითარებისა და რეკონსტრუქცია-მოდერნიზაციის უფროსად; მნიშვნელოვანი წვლილი აქვს შეტანილი ქ. გაგრის ზონის სახელმწიფო და ადგილობრივი მნიშვნელობის საავტომობილო გზების მშენებლობის, რეკონსტრუქციის და ქვეყნის საგზაო ინფრასტრუქტურის განვითარების საქმეში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.412