ვაჟა მირიმანოვი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი და მიენიჭა მიმოსვლის გზების ინჟინრის კვალიფიკაცია 1980 წელს.

1980-1999წწ. მუშაობდა კავკასიის საკვლევ-საძიებო საპროექტო ინსტიტუტში "კავსახტრანსპროექტი" ("კავგიპროტრანსი" 1980-1996წწ.) მეტროსა და გვირაბების განყოფილების ინჟინრად, უფროს ინჟინრად, განყოფილების მთავარ სპეციალისტად; მონაწილეობდა ქ. თბილისის მეტროპოლიტენის სხვადასხვა უბნების გაგრძელების და მშენებარე მონაკვეთების მუშა დოკუმენტაციის შედგენაში; ტრანსკავკასიის რკინიგზის მაგისტრალის გვირაბების პროექტს, "ყარსი-ახალქალაქის" სარკინიგზო მაგისტრალის გვირაბების ტედ-ის,"ხარაგაული-მარელისის" სარკინიგზო უბანზე მეორე ლიანდაგების მოწყობის სარკინიგზო გვირაბების მშენებლობის მუშა პროექტს, საავტომობილო გზის "ნოვოროსიისკი-თბილისი-ბაქოს", ქ. სოჭის შემოსავლელი გზის გვირაბების მუშა პროექტის, "ნატახტარი-ბესლანის" საავტომობილო გზის 61-80 კმ-ზე ჩოხელთხევის, ნაღვარეთხევის საავტომობილო გვირაბების მუშა პროექტის შედგენაში; 1999 წლიდან დღემდე მუშაობს შპს "კავგიპროტრანსი-მგ" მთავარ ინჟინრად; მონაწილეობდა მსოფლიო ბანკის მიერ დაფინანსებულ ტაშისკარის სარწყავი გვირაბის საპროექტო სამუშაოებში; საქართველოს მუნიციპალური ფონდის დაკვეთით თბილისში, ბათუმში, თელავში ქუჩების რეაბილიტაციის და ხელვაჩაურის მუნიციპალიტეტში გონიოს სასმელი წყლით მომარაგების სისტემის საპროექტო დოკუმენტაციის შედგენაში; მეტროპოლიტენის, რკინიგზის, საავტომობილო გზების და სხვა ინფრასტრუქტურულ პროექტებში მონაწილეობისათვის, როგორც მაღალკვალიფიციური და გამოცდილი ინჟინერი წარმატებული პროფესიული საქმიანობისათვის დაჯილდოებულია სახელმწიფო და საუწყებო ჯილდოებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.415