სანდრო ყანჩელი

დაბადების ადგილი: ქ. გორი.

დაამთავრა თბილისის კლასიკური გიმნაზია და სწავლა განაგრძო მოსკოვის უნივერსიტეტის იურიდიულ ფაკულტეტზე.

1900 წლიდან მუშაობდა თბილისში, გაზეთ "ნოვოე ობოზრენიეში", აქვეყნებდა ლექსებს, თარგმანებს და ფელეტონებს. 1905 წლიდან იყო გაზეთ "ვოზროჟდენიეს" რედაქციის შემადგენლობაში (მეფის საწინააღმდეგო ოპოზიციური გამოცემა). "ვოზროჟდენიეს" აკრძალვის შემდეგ, მონაწილეობდა მთელ რიგ იმავე მიმართულების გამოცემებში. ეს გაზეთები ხელისუფლების მიერ იკრძალებოდა და იბეგრებოდა. ამ გამოცემის საბოლოო დარბევისა და აკრძალვის შემდეგ იყო გაზეთ "კავკაზსკოე სლოვოს" რედაქციის შემადგენლობაში. ამავე დროს მონაწილეობას იღებდა კავკასიის რუსულ თუ ქართულ გამოცემებში. თებერვლის რევოლუციის შემდეგ რედაქტორობდა გაზეთ "რესპუბლიკას". საქართველოში საბჭოთა ხელისუფლების დამყარების შემდეგ ძირითადად თარგმნიდა ქართულ პოეზიას რუსულად. იგი ახლოს იყოს ცისფერყანწელების ჯგუფთან. მას ეკუთვნის ცნობილი ლექსი "თბილისს", რომელიც 1927 წელს "ქართულ მწერლობაში" დაიბეჭდა და თბილისის ძირძველი უბნის კოლორიტს ასახავს. საქართველოს სახალხო არტისტის სალომე ყანჩელის მამა.

წყარო: ქართველი პოეტები: ენციკლოპედია/შეადგინა ალექსანდრე ელერდაშვილმა.- თბ.,2021.-გვ.330; მწერალთა ავტობიოგრაფიები. წ. 1/გიორგი ლეონიძის სახ. ქართ. ლიტ. მუზეუმი. -თბ., 2013. -გვ.295-298; გიორგი ტოვსტონოგოვმა არ შეასრულა პირობა - როცა სალომეს ფინანსური მდგომარეობა გამოუსწორდა, შვილები არ გამოატანა / მარინა ბაბუნაშვილი // კვირის პალიტრა. - თბილისი, 2012. - 12 აპრილი. - N 15 (925)

• საქართველოს საბჭოთა მწერლების კავშირი, წევრი (1936-)

• Грузинские народные песни (Translator). - Тбилиси, Тип. изд-ва "Заря Востока", 1939. - 20с.
• В тюрьме : Повести и рассказы/Ч. Ломтатидзе (Translator). - Тифлис , Закгосиздат, 1935. - 208с.