ჯუმბერ ნათალიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1957 წელს.

მუშაობდა სსრკ სატყეო მრეწველობის საპროექტო ინსტიტუტ "გიპროლესტრანსში" ინჟინრად, თბილისის მექანიკურ ქარხანაში - ოსტატად, საქართველოს კომუნალური მეურნეობისა და ვაჭრობის სამინისტროების სარემონტო-სამშენებლო სამმართველოებში - სამუშაოთა მწარმოებლად, მთავარ ინჟინრად; იყო თბილისის საქალაქო საბჭოს აღმასკომის სარემონტო-სამშენებლო სამმართველოს უფროსი, საპროექტო ბიურო "ტურისტპროექტის" მთავარი სპეციალისტი; 1978 წლიდან ხელმძღვანელობდა სამშენებლო ტრესტ "საქჰიდროენერგომშენის" სამოქალაქო და ბინათმშენებლობის სამშენებლო სამმართველოს; 1990 წელს გადაიყვანეს საქართველოს მშენებლობის სამინისტროს N7 სამშენებლო ტრესტ "საქშახტმშენში"; დაჯილდოებულია საუწყებო საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.448

• მედალი "შრომითი მამაცობისთვის"