მერაბ ნიკოლაიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1962 წელს.

1962-1969წწ. ინსტიტუტის დამთავრების შემდეგ დატოვებულ იქნა საქართველოს პოლიტექნიკური ინსტიტუტის წყალმომარაგებისა და კანალიზაციის კათედრაზე ასისტენტად, პედაგოგად; 1969-1975წწ. მუშაობდა საპროექტო ინსტიტუტ "საქშახტპროექტში" განყოფილების გამგედ; 1975-1982წწ. გადაყვანილ იქნა საქართველოს მშენებლობის საქმეთა სახელმწიფო კომიტეტის პროექტებისა და ხარჯთაღრიცხვების სახელმწიფო ექსპერტიზის სამმართველოს უფროსად; 1982-1989წწ. დაინიშნა საქართველოს მშენებლობის საქმეთა სახელმწიფო კომიტეტის თავმჯდომარის მოადგილედ; 1989-1991წწ. იყო საქართველოს არქიტექტურისა და ქალაქმშენებლობის სახელმწიფო კომიტეტის თავმჯდომარის პირველი მოადგილე; 1991-1993წწ. - საქართველოს რესპუბლიკის არქიტექტურისა და მშენებლობის საქმეთა მინისტრის მოადგილე; 1993-1995წწ. - საქართველოს რესპუბლიკის არქიტექტურისა და მშენებლობის საქმეთა კომიტეტის თავმჯდომარის მოადგილე; 1995-2004წწ. მუშაობდა საქართველოს ურბანიზაციისა და მშენებლობის მინისტრის პირველ მოადგილედ; 2003 წელს ათი თვის განმავლობაში იყო საქართველოს ურბანიზაციისა და მშენებლობის მინისტრის მოვალეობის შემსრულებელი; 2004 წლიდან შპს "მშენპროექტის" კონსულტანტია; მისი მონაწილეობითა და ძალისხმევით შეიქმნა მშენებლობის საკითხებთან დაკავშირებული მრავალი კანონი, სამშენებლო ნორმებისა და წესების კრებული; არის 40-მდე სამეცნიერო ნაშრომის და მშენებლობასთან დაკავშირებული პუბლიკაციების ავტორი; წლების განმავლობაში ეწეოდა პედაგოგიურ საქმიანობას საქართველოს პოლიტექნიკურ ინსტიტუტში; იყო სახელმწიფო საატესტაციო კომისიის თავმჯდომარე; მრავალი ახალგაზრდა მეცნიერის ნაშრომის ხელმძღვანელი; თავისი მრავალწლიანი გამოცდილებით აქტიურად არის ჩართული დემოკრატიული საქართველოს აღმშენებლობის პროცესში; პროფესიული დამსახურებისათვის სხვადასხვა წლებში მიღებული აქვს მრავალი მედალი და საპატიო სიგელი; ტექნიკურ მეცნიერებათა დოქტორი.

წყარო: საქართველოს არქიტექტორთა და მშენებელთა ენციკლოპედია.- თბ., 2017.-გვ.459-460; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.60

• საქართველოს ეკოლოგიისა და ბუნებრივი რესურსების საერთაშორისო აკადემია, წევრი
• საქართველოს საინჟინრო აკადემია, ნამდვილი წევრი

• 1998 - ღირსების ორდენი
  საქართველოში არქიტექტურისა და მშენებლობის განვითარების საქმეში შეტანილი წვლილისათვის, ნაყოფიერი სამეცნიერო-პედაგოგიური და საზოგადოებრივი მოღვაწეობისათვის
• საქართველოს დამსახურებული მშენებელი

• მოკლე ენციკლოპედიური ლექსიკონი საშენი მასალების, არქიტექტურისა და მშენებლობის დარგში : 3000 სიტყვა (რედაქტორი). - თბილისი, 1995. - 192გვ.
• უნივერსალური ასაწყობი სამარჯვები : დამხმ. სახელმძღვ. (თანაავტორი). - თბილისი, 1986. - 74გვ.
• უნივერსალური ასაწყობი სამარჯვების წარმოებაში დანერგვა და მისი ეფექტიანობის ამაღლება (ავტორი). - თბილისი, 1977. - 10გვ.
• დასაშლელ-ასაწყობი გადასამართავი სამარჯვების კომპლექტი. დამზადებული ქ. ხარკოვის საწარმოო-ტექნიკური გაერთიანება "სოიუზტექოსნასტკის" დარგთაშორის საკონსტრუქტორო-ტექნოლოგიურ ბიუროში (თანაავტორი). - თბილისი, 1977. - 19გვ.
• კონსტრუქტორის კომპლექსური სამუშაო ადგილი (თანაავტორი). - თბილისი, 1973. - 6გვ.