ზურაბ ოქროშიძე

დაბადების ადგილი: ქ. ლაგოდეხი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1978 წელს.

1978-2006წწ. მუშაობდა საპროექტო ინსტიტუტ "საქქალაქმშენსახპროექტის" არქიტექტურულ სახელოსნოში, ინჟინერ-კონსტრუქტორად, საკონსტრუქტორო ჯგუფის ხელმძრვანელად, სახელოსნოს მთავარ სპეციალისტად და მთავარ კონსტრუქტორად; 1992-2003წწ. წმ. სამების საკათედრო ტაძრის კომპლექსის პროექტის მთავარ სპეციალისტად, პროექტის მთავარ კონსტრუქტორად; 2002-2012წწ. ბაგრატის ტაძრის (ქუთაისში) რეაბილიტაციის პროექტის კონსტრუქციული ნაწილის ხელმძღვანელად; 1999-2002წწ. იყო სს "საქქალაქმშენპროექტის" სამეთვალყურეო საბჭოს წევრი; 2004-2008წწ. ავლაბრის ადმინისტრაციული კომპლექსის პროექტის მთავარი კონსტრუქტორი; 1997-2011წწ. საპროექტო ფირმა "კაპიტელის" მთავარი კონსტრუქტორი; 2012 წლიდან ამავე ფირმის დირექტორია; ხელმძღვანელობდა 50-ზე მეტი სამოქალაქო და სამრეწველო დანიშნულების ობიექტის კონსტრუქციული ნაწილის პროექტების დამუშავებას და რიგი მნიშვნელოვანი ობიექტების აშენებას; მისი ძირითადი ნამუშევრებია: წმ. სამების საკათედრო ტაძარი, საქართველოს მეცნიერებათა აკადემიის ხელნაწერთა ინსტიტუტი, მემორიალური კომპლექსი "საქართველოს მემატიანე" (თბილისში, ყეენის მთაზე), ავლაბრის ადმინისტრაციული კომპლექსი და სხვა სამოქალაქო და საზოგადოებრივი დანიშნულების ობიექტები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.472-473