ამორი პაპასკირი

დაბადების ადგილი: ქ. ზესტაფონი.

დაამთავრა საქართველოს პოლიტექნიკური ინსტიტუტი ელექტრომექანიკოსის სპეციალობით 1957 წელს.

1957-1964წწ. მუშაობდა ავტომატიკის ს/კ ინსტიტუტში; 1964-1967წწ. რუსთავის მეტალურგიულ ქარხანაში - მექანიზაციის ლაბორატორიის უფროსად; 1967-1971წწ. რუსთავის ელექტროსამაგრების ქარხანაში - მთავარ ინჟინრად, დირექტორად; 1971-1976წწ. იყო თბილისის პლასტმასის ქარხნის დირექტორი; 1976-1978წწ. თბილისის ინსტიტუტ "კავკაზგიპროპრომსელსტროის" დირექტორის მოადგილე; 1978-1980წწ. რესპუბლიკური გაერთიანება "საქსოფლმონტაჟკომპლექტის" თელეთის ექსპერიმენტული ქარხნის დირექტორი; 1980 წლიდან ამავე გაერთიანების მმართველის მოადგილე, პირველი მოადგილე, მთავარი ინჟინერი; ხელმძღვანელობდა მესაქონლეობისა და წითელწყაროს, კინდღის, კოდის მეფრინველეობის, კრწანისის მეღორეობის, წყალსადენების, კანალიზაციისა და სხვა სასოფლო-სამეურნეო დანიშნულების ობიექტების მშენებლობასა და სამონტაჟო სამუშაოების შესრულებას.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.475